યુપી, ઉત્તરાખંડ, બિહાર અને આસામમાં ભારે વરસાદની ચેતવણી: ઓરેન્જ એલર્ટ જારી

રાજધાની દિલ્હી, હરિયાણા, ચંડીગઢ અને રાજસ્થાનમાં ચોમાસું નબળું પડ્યું

નવી દિલ્હી, મંગળવાર

દેશભરમાં ભારે વરસાદ બાદ અનેક રાજ્યોમાં પૂર જેવી સ્થિતિ બનેલી છે ત્યારે આજે પણ ભારતીય હવામાન વિભાગે વિવિધ રાજ્યોમાં ભારે વરસાદની ચેતવણી આપી છે. હવામાન વિભાગના પૂર્વાનુમાન મુજબ ઉત્તર પશ્ચિમ ભારતનાં અનેક રાજ્યોમાં હળવાથી મધ્યમ વરસાદ અને કેટલાક વિસ્તારોમાં ભારે વરસાદની સંભાવના છે, જ્યારે રાજધાની દિલ્હીમાં વરસાદની સંભાવના નથી. તેથી લોકોએ એક વાર ફરીથી બફારા સાથે ગરમીનો સામનો કરવો પડી શકે છે.