આવતી કાલે ૭૭મો સ્વાતંત્ર્યદિન: દિલ્હીમાં અભેધ સુરક્ષા, ૧૦ હજાર જવાનો તહેનાત

લાલ કિલ્લો પોલીસ છાવણીમાં ફેરવાયોઃ ફેસ કેમેરા, એન્ટી ડ્રોન સિસ્ટમ લગાવાઈ

નવી દિલ્હી, સોમવાર

ભારત આવતી કાલે ૧૫મી ઓગસ્ટે પોતાનો ૭૭મો સ્વાતંત્ર્યદિન મનાવવા જઈ રહ્યું છે ત્યારે આ મહારાષ્ટ્રીય પર્વને લઈને દેશભરમાં તડામાર તૈયારી ચાલી રહી છે. પાટનગર દિલ્હી સહિત સમગ્ર દેશભરમાં વિવિધ રંગારંગ કાર્યક્રમનું આયોજન કરવામાં આવ્યું છે. વડા પ્રધાન નરેન્દ્ર મોદી આવતી કાલે લાલ કિલ્લાની પ્રાચીર પર તિરંગો લહેરાવશે અને રાષ્ટ્રજોગ ઉદ્બોધન કરશે.