બીયુ પરમિશનનાં પાંચ વર્ષ બાદ પરકોલેશન વેલ કાર્યરત હશે તો ડિપોઝિટ પરત મળશે

મ્યુનિસિપલ કમિશનર એમ. થેન્નારસને ખાસ સર્ક્યુલર પ્રસિદ્ધ કર્યો

અમદાવાદ, બુધવાર

શહેરમાં વસ્તી વધવાની સાથે-સાથે તેના માટે જરૂરી મકાનના નિર્માણમાં પણ વેગ આવ્યો છે. જે તે બાંધકામ માટે બીયુ પરિમશન મેળવવા પરકોલેશન વેલ કાર્યરત હોવા જરૂરી છે. પરકોલેશન વેલ બીયુ પરિમશનનાં પાંચ વર્ષ બાદ પણ સંપૂર્ણપણે કાર્યરત જણાશે તો તંત્ર દ્વારા તે માટે લીધેલી ડિપોઝિટ પરત આપવામાં આવશે, જોકે પકોલેશન વેલ કાયમી ધોરણે કાર્યરત રહે તે માટે તેની સાફસફાઈ, મરામત કે નિભાવ કરવાની યોગ્ય વ્યવસ્થા માલિક કે કબજેદાર દ્વારા કરાઈ ન હોય તો ડિપોઝિટની રકમ જપ્ત કરાશે.