યુનિવર્સિટીમાંથી મળેલા ગાંજાના છોડ અંગે FSLની ઢીલી કામગીરીઃ રિપોર્ટ આવવામાં હજુ વાર લાગશે

મોટા ભાગના કિસ્સાઓમાં પોલીસ ડ્રગ્સ સાથે આરોપીઓને ઝડપે તો FSL ગણતરીની મિનિટોમાં રિપોર્ટ આપી દેતી હોય છે

અમદાવાદ, શુક્રવાર

આખા દેશમાં ગુજરાતની ફોરેન્સિક સાયન્સ લેબોરેટરી (એફએસએલ) સૌથી એક્ટિવ છે. દેશના મોટા ભાગના હાઇ પ્રોફાઇલ તેમજ ચકચારી કેસોનો ગુજરાતની ભેદ ઉકેલવામાં એફએસએલનો મહત્ત્વનો ફાળો રહ્યો છે. ભારત સિવાયના અન્ય દેશો પણ કેસનો ભેદ ઉકેલવામાં એફએસએલની મદદ લઇ રહ્યા છે. એફએસએલ તેની કામગીરીથી વખણાય છે ત્યારે એક વિવાદ સર્જાયો છે. સામાન્ય રીતે પોલીસ કે સુરક્ષા એજન્સી કોઇ પણ ડ્રગ્સનો જથ્થો ઝડપે તો એફએસએલની ટીમ ઘટનાસ્થળે જઇને મળેલા પદાર્થનું પરીક્ષણ કરીને તરત જ રિપોર્ટ આપતી હોય છે, જેના આધારે ડ્રગ્સના પેડલર્સ અને માફિયાની ધરપકડ થતી હોય છે, પરંતુ ગુજરાત યુનિવર્સિટીમાં મળી આવેલા ગાંજાના છોડમાં એફએસએલએ હજુ સુધી રિપોર્ટ નહીં આપતાં વિવાદ સર્જાયો છે.