પતિએ નવ માસના પુત્રને લાફો મારતાં જ પરિણીતા વિફરી: કાયદાનું શસ્ત્ર ઉગામ્યું

પતિ તેમજ સાસરિયાંનો ત્રાસ પરિણીતા ચૂપચાપ સહન કરતી હતી

જ્યારે વાત સંતાનો પર આવે ત્યારે દુનિયાની કોઇ પણ માતા ગમે તેવી તાકાત સામે લડવા તૈયાર થઇ જતી હોય છે. છેલ્લા ઘણા સમયથી દારૂડિયા પતિ તેમજ સાસરિયાંનો ત્રાસ પરિણીતા મૂંગા મોંએ સહન કરતી રહી પરંતુ જ્યારે વાત તેના નવ માસના દીકરા પર આવી ત્યારે તેણે કાયદાનું શસ્ત્ર ઉગામ્યું છે. પરિણીતાનો દીકરો જ્યારે નવ માસનો હતો ત્યારે તેના પતિએ તેને લાફો મારી દીધો હતો. પુત્રને લાફો મારતાં ની સાથે જ પરિણીતાએ વિરોધ કર્યો હતો. જેના કારણે પતિએ તેને ઘરમાંથી કાઢી મૂકતાં મામલો પોલીસ સ્ટેશન સુધી પહોંચ્યો છે.