અંબાજી અને પાવાગઢમાં પહેલા નોરતાએ વહેલી સવારથી જ હજારો ભક્તો ઊમટ્યા

બોલ મારી અંબે, જય જય અંબે'ના નાદથી મંદિર પરિસર ગુંજી ઊઠ્યું

આજથી શારદીય નવરાત્રીનો શુભારંભ થયો છે. દેશભરના માઈભક્તોમાં ભારે ઉત્સાહનો માહોલ જોવા મળી રહ્યો છે ત્યારે ગુજરાતમાં આવેલાં સૌથી વિખ્યાત શક્તિપીઠ એવાં અંબાજી અને પાવાગઢ ખાતે આજે વહેલી સવારથી જ હજારોની સંખ્યામાં ભક્તો દર્શન માટે ઊમટી પડ્યા છે. ભક્તોના ઘોડાપુરને લઈ જિલ્લા વહીવટીતંત્ર તેમજ અંબાજી ટ્રસ્ટ અને કાલિકા મંદિર તંત્ર પણ સજ્જ બન્યાં છે.