સ્વચ્છતા એ જ અમારો સંકલ્પઃ AMC દ્વારા આજથી ટ્રીગર ઈવેન્ટનો પ્રારંભ

બે દિવસ સુધી અમદાવાદીઓને સૂકો અને ભીનો કચરો અલગ કરવા તથા સ્વચ્છતા રાખવાના મામલે સમજણ અપાશે

શહેરને ઝીરો વેસ્ટ સિટી બનાવવાની દિશામાં મહત્ત્વના પગલારૂપે અમદાવાદ મ્યુનિસિપલ કોર્પોરેશન દ્વારા આજથી ટ્રીગર ઇવેન્ટનો પ્રારંભ કરવામાં આવ્યો છે.

શહેરીજનોમાં જાગૃતિ આવે અને ડોર ટુ ડોર એકત્રિત કરવામાં આવતા કચરામાં સૂકો અને ભીનો કચરો અલગ કરવાની તેમને સમજ પડે તે માટે ટ્રીગર ઇવેન્ટનો પ્રારંભ કરવામાં આવ્યો છે. અમદાવાદ મ્યુનિસિપલ કોર્પોરેશનની ટીમ દ્વારા આજથી બાગબગીચા, જાહેર સ્થળો, શાકભાજી વેચનારા અને પાથરણાં વાળાને સૂકો અને ભીનો કચરો અલગ કરવા અંગે જાણકારી અને સમજ આપવામાં આવશે. આજે સવારના સાત વાગ્યાથી આ ટ્રીગર ઇવેન્ટનો પ્રારંભ થયો છે, જે રાતના દસ વાગ્યા સુધી ચાલશે. બે દિવસની આ ઇવેન્ટ દરમિયાન લોકોને સ્વચ્છતા રાખવા અંગે ઓનલાઇન પ્રતિજ્ઞા પણ લેવડાવાશે, જેમાં કોર્પોરેશન દ્વારા એક પ્રતિજ્ઞાનું સર્ટિફિકેટ પણ આપવામાં આવશે.