અમદાવાદમાં ઠંડીનું જોર વધ્યું: વહેલી સવારે ઠંડા પવન સાથે તાપમાન ૧૫.૭ ડિગ્રી થયું

૧૧.૬ ડિગ્રી ઠંડીએ ગાંધીનગરવાસી ઓને ધ્રુજાવી દીધાઃ કચ્છતા નલિયામાં ૧૨.૨ ડિગ્રી

લાખો અમદાવાદીઓની આજની સવાર ગુલાબી ઠંડી સાથે પડી હતી. શહેરમાં આજે ઠંડીનું જોર વધ્યું છે અને ગાઢ ધુમ્મસ વચ્ચે ફૂંકાયેલા ઠંડા પવનના કારણે લઘુતમ તાપમાન ૧૫.૭ ડિગ્રીએ જઈને અટક્યું છે. સામાન્ય રીતે દિવાળીના તહેવારો બાદ જ શિયાળાની શરૂઆત થઈ જતી હોય છે, પરંતુ આ વખતે હવામાનમાં થઈ રહેલા પલટાના કારણે નવેમ્બરના મધ્ય ભાગ સુધીમાં લોકોએ ઠંડીનો અનુભવ કર્યો નહોતો, જોકે હવે સમગ્ર ઉત્તર ભારતમાં વધી રહેલી ઠંડી અને ખાસ કરીને હિમાચલ પ્રદેશ તથા જમ્મુ-કાશ્મીરના પહાડોમાં થઈ રહેલી હિમવર્ષાના કારણે અમદાવાદ સહિત રાજ્યભરમાં ઠંડી વધી છે.