દેશનાં અનેક રાજ્યમાં ચોમાસું રિટર્ન ભયંકર ઠંડીની પણ આગાહી

ગાઢ ધુમ્મસતી સંભાવના સાથે ૭૫ કિમી પ્રતિકલાકની ઝડપે પવન ફૂંકાશે

દેશનાં હવામાનમાં અસાધારણ પલટો જોવા મળી રહ્યો છે. કેટલાંક રાજ્યમાં ઠંડી અને ગાઢ ધુમ્મસે કબજો લઇ લીધો છે તો કેટલાંક રાજ્યમાં ચોમાસું ભર શિયાળે રિટર્ન થયું છે, જેનાં કારણે અનેક સ્થળોએ વરસાદ પડી રહ્યો છે. દરિયાકાંઠાનાં રાજ્યમાં ભારે પવન સાથે ભારે વાદળો આવવાની શક્યતા છે, જયારે ઘણાં રાજ્યમાં ગાઢ ધુમ્મસનું એલર્ટ છે. ધુમ્મસના કારણે લોકો ઠંડીનો અહેસાસ કરી રહ્યા છે. હવામાન વિભાગે ધુમ્મસનું ઓરેન્જ અને રેડ એલર્ટ જાહેર કર્યું છે. પહાડી રાજ્યોમાં થયેલી હિમ વર્ષાની અસર મેદાની વિસ્તારો દિલ્હી-એનસીઆર તેમજ ઉત્તર પ્રદેશ, પંજાબ અને હરિયાણાના વિસ્તારોમાં પણ જોવા મળી રહી છે. દિલ્હીએનસીઆરમાં પ્રદૂષણની ચિંતાજનક સ્થિતિ યથાવત્ છે તો વેસ્ટર્ન ડિસ્ટર્બન્સથી તાપમાનમાં ઘટાડાની શક્યતા છે.