મહારાષ્ટ્રમાં સીએમ પર સસ્પેન્સ યથાવત્ શિવસેનાએ કહ્યું, જલદી લેવાશે નિર્ણય ૨ ડિસેમ્બરે શપથ ગ્રહણની શક્યતા

એકતાથ શિંદેને સીએમ પદ છોડવાના બદલામાં શિવસેના ગૃહ અને નાણાં મંત્રાલય ઈચ્છે છે

મહારાષ્ટ્રનાં રાજકારણમાં ભારે સસ્પેન્સ હજુ પણ યથાવત્ છે. મુખ્યપ્રધાનપદને લઈને હજુ સુધી નિર્ણય લેવામાં આવ્યો નથી. એકનાથ શિંદેના અચાનક તેમના વતન જવાના સમાચારે અટકળોને વધુ વેગ આપ્યો છે. જોકે શિવસેનાના નેતાઓએ તેમના નારાજ હોવાના અહેવાલોને ફગાવી દીધા છે. દરમિયાન,એવા પણ અહેવાલ છે કે કાર્યકારી મુખ્યપ્રધાન એકનાથ શિંદે શનિવારે સાંજ સુધીમાં મોટી જાહેરાત કરી શકે છે. એવું પણ કહેવામાં આવી રહ્યું છે કે મહારાષ્ટ્રના નવા સીએમનો શપથ ગ્રહણ સમારોહ બીજી ડિસેમ્બરે યોજાશે.

* શિવસેના સાંસદે કહ્યું, શિંદે નારાજ નથી

શિવસેના નેતા ઉદય સામંતે સ્પષ્ટતા કરી છે કે એકનાથ શિંદે નારાજ નથી. તેમણે કહ્યું, દિલ્હીમાં અમિત શાહ સાથેની મુલાકાત દરમિયાન પણ શિંદેની તબિયત સારી ન હતી. શિંદેને તાવ અને શરદી હતાં. સામંતે કહ્યું કે જ્યારે કોઈ બીમાર હોય ત્યારે આવો નિષ્કર્ષ કાઢવો ખોટો છે. તેથી જ તેઓ સતારા સ્થિત તેમના ગામ ગયા હતા. તે કહેવું ખોટું હશે કે શિંદે નારાજ છે. તેઓ સરકારમાં રહેશે અને શિવસેના તેમના વિના અધૂરી છે.