લારા ગ્રિફિસે લોટરીમાં જીત્યા ૨૦ કરોડ, પરંતુ બદનસીબીએ સાથ ના જ છોડ્યો!

લોટરી જીત્યા પછી અમે શાનદાર જીવન જીવવા લાગ્યાં. અમે પૈસા ઉડાવી રહ્યાં હતાં, જાણે કે આવતી કાલે અમારી પાસે કંઈ જ નહીં હોય

દુનિયાભરમાં ઘણા એવા લોકો છે, જેમનાં નસીબ રાતોરાત બદલાઈ જાય છે. કોઈના હાથમાં ખજાનો આવી જાય છે તો કોઈને કરોડોની લોટરી લાગી જાય છે. કેટલાક લોકો પોતાની મહેનતના દમ પર પણ પોતાનું નામ બનાવી લે છે, પરંતુ આમાંથી કેટલાક લોકો એવા પણ હોય છે, જે કરોડો-અબજો કમાવા અથવા ૨ રહ્ય જીત્યા છતાં ફરીથી પોતાની જૂની પરિસ્થિતિમાં જ પહોંચી જાય છે. એવું લાગે છે, જાણે બદનસીબી તેમનો સાથ છોડતી જ નથી. આજે અહીં એક આવી જ મહિલા વિશે જણાવી રહ્યાં છીએ, જેનું નામ લારા ગ્રિફિલ્મ્સ છે.

૧૯ વર્ષ પહેલાં એટલે કે વર્ષ ૨૦૦૫માં લારાનું નસીબ રાતોરાત બદલાઈ ગયું હતું, જ્યારે તેને લગભગ ૨૦ કરોડ રૂપિયાની લોટરી લાગી હતી, પરંતુ નસીબને કંઈક બીજું જ મંજૂર હતું. આજે પોતાની પુત્રી સાથે લારા કંગાળ જિંદગી જીવવા માટે મજબૂર બની છે. લારાએ જણાવ્યું કે તે અને તેનો ભૂતપૂર્વ પતિ રોજર યુનાઈટેડ કિંગ્ડમના વેસ્ટ યોર્કશાયરમાં એક સામાન્ય જિંદગી જીવી રહ્યાં હતાં એ દરમિયાન તેને ૧.૮ મિલિયન પાઉન્ડ (લગભગ ૨૦ કરોડ રૂપિયા)ની લોટરી લાગી હતી.