નિર્ભયા પ્રોજેક્ટ હેઠળના કેમેરાની ચકાસણી કરવા નીકળેલી મહિલા પોલીસને ચાર શખ્સોએ ગાળો ભાંડી

મકરબા પાસેની ચોંકાવનારી ઘટનાઃ ઈકો કારમાં આવેલા શખ્સોએ જોરથી હોર્ન વગાડી મહિલા પોલીસ ટીમતી કાર આંતરી લીધી

‘તેરે બાપ કા રોડ હૈ, સાઇડ ક્યોં નહીં દેતી, ગાડી નહી આતી હૈ તો ક્યોં રોડ પે લે કે નીકલી હૈ?” તેવું કહીને મહિલા પોલીસ કર્મચારીને ગાળો ભાંડતા બે સગાભાઇ સહિત ચાર શખ્સને પોલીસે કાયદાની તાકાત બતાવી છે. નિર્ભયા પ્રોજેક્ટ હેઠળના કેમેરા અને ઇમર્જન્સી બોક્સ ચાલુ છે કે નહીં તેની ચકાસણી કરવા માટે આનંદનગર પોલીસ સ્ટેશનમાં ફરજ બજાવતી મહિલા પોલીસ કર્મચારી નીકળી હતી. દરમિયાનમાં મકરબા પાસે ઇકો કારમાં આવી રહેલા ચાર શખ્સોએ જોરજોરથી હોર્ન મારીને સાઇડ આપવાની વાત કરી હતી, મહિલા પોલીસની ટીમ શાંતિથી જઇ રહી હતી, ત્યારે ચારેય શખ્સ તે કારને આંતરી લીધી હતી અને બાદમાં ગાળો આપવાની શરૂ કરી હતી. મહિલા પોલીસના કામમાં રૂકાવટ કરનાર ચારેય શખ્સ વિરુદ્ધ ગુનો દાખલ થયો છે.