ત્રણ દિવસ કાળઝાળ ગરમી કહેર મચાવશેઃ અમદાવાદીઓની વીકએન્ડની મજા બગડશે

શહેરમાં મહત્તમ તાપમાન વધીને ૩૭.૨ ડિગ્રી પર પહોંચ્યું

છેલ્લા કેટલાક દિવસોથી ગરમીમાં મળેલી રાહત પૂર્ણ થઈ ગઈ છે અને આગામી ત્રણ દિવસ સુધી કાળઝાળ ગરમી કહેર મચાવી દેશે તેવી આગાહી હવામાન વિભાગે કરી છે. ખાસ કરીને આજે અને આવતી કાલે અસહ્ય બફારાના કારણે અમદાવાદીઓની વીકએન્ડની મજા બગડે તેવું પણ અનુમાન છે. અમદાવાદ શહેરનું મહત્તમ તાપમાન ફરીથી વધીને ૩૭.૨ ડિગ્રી સેલ્સિયસ પર પહોંચી ગયું છે. આજે સવારે શહે૨માં ૨૧.૩ ડિગ્રી લઘુતમ તાપમાન નોંધાયું હતું.