కాస్కో నా రాజా!

• కొత్త కొత్త వ్యూహాలతో జనం ముందుకు పార్టీలు  • అన్ని నియోజకవర్గాలు కలియదిరిగిన అధినేతలు

• ఏక బిగిన విపక్ష కూటమి, జగన్ ప్రసంగాలు

• ప్రజలను ఆకర్షించేలా ఇరు పార్టీల మేనిఫేస్టోలు

• ఎన్నికల నిర్వహణకు ఏర్పాట్లు పూర్తి చేసిన ఎన్నికల కమిషన్

• ఏపీలో ముగిసిన ఎన్నికల ప్రచారం

ఏపీలో ఉత్కంఠ ఘటనల నడుమ ఎన్నికల పోరు జరుగుతోంది.పోలింగ్ కు కౌంట్ డౌన్ పూర్తయ్యింది. టిడిపి అధినేత చంద్రబాబు, సీఎం జగన్ కీలక నియోజకవర్గాల్లో ప్రచారం చేస్తూ...పోలింగ్ ముందు కొత్త వ్యూహాలతో ముందుకు వెళ్లారు.

సీఎం జగన్ తీసుకున్న నిర్ణయాలు ఇప్పుడు ఎన్నికల ఫలితాన్ని డిసైడ్ చేసే లా ఉంటే జగన్ వ్యూహాల పై ప్రత్యర్థి పార్టీలు జాగ్రత్త లు తీసుకుంటూ వ్యూహాలు పన్నుతునే ఉన్నాయి. ఆంధ్రప్రదేశ్లో ఈనెల 13న జరుగుతున్న సార్వత్రిక ఎన్నికల ప్రచారం శనివారం సాయంత్రం 6 గంటలకు ముగిసింది. దాదారు రెండు నెలల పాటు హోరాహోరిగా సాగిన ప్రచారం 60 రోజుల అనంతరం పోలింగ్కు 48 గంటల ముగిసింది. దేశవ్యాప్తంగా ఎన్నికల నోటిఫికేషన్ మార్చి 16న విడుదల కావడంతో ఎన్నికల కోడ్ అమలులోకి వచ్చింది. ఏపీలో 25 లోక్సభ, 175 అసెంబ్లీ స్థానాలకు నాలుగో విడతలో ఎన్నికలు జరుగుతున్నాయి. ఇందుకోసం ఎన్నికల సంఘం అధికారులు ఏప్రిల్ 18న నోటిఫికేషన్ జారీ చేసిన విషయం విదితమే. అప్పటి నుంచి ఏప్రిల్ 25 నుంచి నామినేషన్లు, 26న స్క్రూట్నీ, 29 వరకు 29 విత్ డ్రా కార్యక్రమం జరిగింది. దాదాపు 14 రోజుల పాటు జరిగిన ప్రచారంలో అధికార వైసీపీతో పాటు ప్రతిపక్ష టీడీపీతో, కూటమిగా ఏర్పడ్డ బీజేపీ, జనసేన, మరో వైపు కాంగ్రెస్ విస్తౄఎతంగా ప్రచార కార్యక్రమాలు నిర్వహించింది.