“சவால் மிக்க பொறுப்புக்கள் வழங்கப்பட்டுள்ளன"

பாராளுமன்றம் இனம், மதம் என்ற வரையறைகளுக்கு அப்பாற்பட்டு நாட்டின் சகவாழ்வு மற்றும் மக்களின் அபிலாஷைகளை மேம்படுத்துவதற்குச் சிறந்த எடுத்துக்காட்டாக செயற்படச் சகல உறுப்பினர்களின் ஒத்துழைப்பையும் எதிர்பார்ப்பதாக புதிய சபாநாயகர் ஜகத் விக்கிரமரத்ன தெரிவித்தார்

10ஆவது பாராளுமன்றத்தின் சபாநாயகராக நவம்பர் 21 ஆம் திகதி தெரிவு செய்யப்பட்ட அசோக ரன்வல 'கலாநிதி' பட்ட சர்ச்சையில் சிக்கிய நிலையில் இராஜினாமா செய்ததையடுத்து, செவ்வாய்க்கிழமை (17) பாராளுமன்றம் கூடிய நிலையில், புதிய சபாநாயகராக ஜகத் விக்கிரமரத்ன தெரிவு செய்யப்பட்டார்.

இதனைத்தொடர்ந்து, கட்சித்தலைவர் அவருக்கு வாழ்த்து தெரிவித்து உரையாற்றினர். அதற்கு நன்றி தெரிவித்தது உரையாற்றுகையிலேயே அவர் மேற்கண்டவாறு குறிப்பிட்டார்.