திமுகவுடனான உறவில் விரிசல் இல்லை: தொல். திருமாவளவன்

தமிழ்நாட்டை ஆளும் திராவிட முன்னேற்றக் கழகத்துடன் உறவில் எந்த விரிசலும் நெருடலும் இல்லை என்று விடுதலைச் சிறுத்தைகள் கட்சியின் தலைவர் தொல். திருமாவளவன் தெரிவித்துள்ளார்.

ஆட்சியிலும் அதிகாரத்திலும் பங்கு வேண்டும் என்று திருமாவளவன் பேசியதாக அண்மையில் ஒரு காணொளி வெளியாகி பரப்பைக் கிளப்பியது.

இந்நிலையில், திமுக தலைமைஅகமான அண்ணா அறிவாலயத்தில் தமிழ்நாடு முதல்வர் மு.க. ஸ்டாலினை திங்கட்கிழமை (செப்டம்பர் 16) திருமாவளவன் தமது கட்சி நிர்வாகிகளுடன் சந்தித்தார்.

அப்போது, அக்டோபர் 2ஆம் தேதி கள்ளக்குறிச்சியில் நடை பெறவுள்ள 'மது, போதைப்பொருள் ஒழிப்பு மகளிர் மாநாடு' தொடர்பாக கோரிக்கை மனு ஒன்றை அவர் முதல்வரிடம் கொடுத்தார்.