கெட்ட பெயர் வந்துவிடாமல் தடுக்கவே நடித்தேன்: வைபவி

மணிரத்னம், வெற்றிமாறன் உள்ளிட்ட பெரிய பெரிய இயக்குநர்களின் படங்களில் நடிக்க வேண்டும் என்ற கனவுடன் திரைத் துறைக்குள் நுழைந்ததாகச் சொல்கிறார் நடிகை வைபவி சாண்டில்யா.

தமிழில் ‘சக்க போடு போடு ராஜா’, ‘சர்வர் சுந்தரம்’ உள்ளிட்ட படங்களில் நடித்துள்ள இவர், தெலுங்கு, இந்தி, கன்னடப் படங்களில் கவனம் செலுத்தி வருகிறார்.

‘இருட்டு அறையில் முரட்டுக் குத்து’ படத்தில் என்னை நம்பி ஒரு பாத்திரத்தைக் கொடுத்துவிட்டார்கள். தெரிந்தோ, தெரியாதோ மாறி அதில் நடிக்க ஒப்புக்கொண்ட பின்னர், அப்படத்தில் இருந்து என்னால் விலக முடியவில்லை.

ஒப்புக்கொண்ட வேலையைப் பொறுப்பாக முடித்துக்கொடுப்பது முக்கியம் என் பதால்தான் விலகவில்லை. இதனால், கெட்டப் பெயர் வராமல் தடுக்கப்பட் டதாகவும் கூறுகிறார்.

‘படம் பிடிக்காமல் வைபவி வெளியேறி விட்டார்’, ‘இந்த நடிகை பிரச்சினைக்குரியவர்’ என்று வெளியுலகில் செய்திகள் பரவுவதைக் காட்டிலும், படத்தில் நடித்து முடித்துவிட்டு இனிமேல் இதனை ஒரு பாடமாக எடுத்துக்கொண்டு அடுத்தடுத்த படங்களில் கவனமாக நடந்துகொள்ள வேண்டும் என முடிவெடுத்ததாகச் சொல்கிறார்.