மத்திய அமைச்சர்களின் ஒப்புதலுக்கு கடும் எதிர்ப்பு

'ஒரே நாடு ஒரே தேர்தல்' சாத்தியமே இல்லை என எதிர்க்கட்சிகள் கருத்து

'ஒரே நாடு ஒரே தேர்தல்' திட்டம் தொடர்பான உயர்நிலைக் குழுவின் பரிந்துரைகளை மத்திய அமைச்சரவை புதன்கிழமை (18 செப்டம்பர்) ஏற்றது.

இந்தத் திட்டத்திற்கு அமைச்சரவை ஒப்புதல் அளித்த நிலையில், காங்கிரஸ் உள்ளிட்ட எதிர்க்கட்சிகள் கடுமையான எதிர்ப்புகளைத் தெரிவித்து வருவதாக இந்திய ஊடகங்கள் தகவல் வெளியிட்டுள்ளன.

‘ஒரே நாடு ஒரே தேர்தல்’ திட்டம் நடைமுறையில் சாத்தியமே இல்லை என்று எதிர்க்கட்சிகள் கூறுகின்றன.

திட்டத்தின் பின்னணி

‘ஒரே நாடு ஒரே தேர்தல்’ திட்டத்தின்படி தேர்தல் நடத்துவது குறித்து முன்னாள் குடியரசுத் தலைவர் ராம் நாத் கோவிந்த் தலைமையில் உயர்நிலைக் குழு அமைக்கப்பட்டது.

அந்த உயர்நிலைக் குழு, அரசியல் கட்சிகள், நிபுணர்கள் உள்ளிட்ட பல்வேறு தரப்பினருடன் விரிவாக ஆலோசனை நடத்தி மத்திய அமைச்சிடம் பரிந்துரைகளை சமர்ப்பித்தது.