ரயீசா கான்: தோற்கடிக்கப்பட்டேன், துரோகம் இழைக்கப்பட்டேன்

பாட்டாளிக் கட்சி நடத்திய கட்டொழுங்குச் சந்திப்பின்போது கட்சித் தலைவர்கள் தமக்கு எதிராகத் திரும்பியதாகவும் தம்மைக் குறைகூறுவதற்காக அத்தளத்தைப் பயன்படுத்தியதாகவும் அக்கட்சியின் முன்னாள் நாடாளுமன்ற உறுப்பினர் ரயீசா கான் தெரிவித்துள்ளார்.

- கி. ஜனார்த்தனன்

மதிப்பும் நம்பிக்கையும் வைத்திருந்த நபர்களால் தான் தோற்கடிக்கப்பட்டதாகவும் தனக்கு அவர்கள் துரோகம் இழைத்துவிட்டதாக உணர்வதாகவும் திருவாட்டி ரயீசா கூறினார்.

நாடாளுமன்ற எதிர்க்கட்சித் தலைவர் பிரித்தம் சிங் பொய்யுரைத்ததன்பேரில் நடத்தப்பட்ட விசாரணையின் இரண்டாம் நாளன்று அரசுத்தரப்பு வழக்கறிஞர்களின் கேள்விகளுக்கு பதிலளித்தபோது அவர் இவ்வாறு கூறினார்.

நவம்பர் 2ஆம் தேதியன்று பாட்டாளிக் கட்சியின் தலைவர் திருவாட்டி சில்வியா லிம், திருவாட்டி ரயீசாவிற்கு அனுப்பிய மின்னஞ்சலை அரசுத்தரப்பு வழக்கறிஞர் நீதிமன்றத்தில் படித்துக் காட்டினார். நடந்த சம்பவத்தை கட்டொழுங்கு குழு விசாரிக்கும் என்ற அந்த மின்னஞ்சல் குறிப்பிட்டது.

"அந்த மின்னஞ்சல் எழுதப்பட்ட முறையும் இப்படி தீவிரமான ஒரு நடவடிக்கையை அவர்கள் எடுத்ததும் எனக்கு வியப்பளித்தது," என்றும் திருவாட்டி ரயீசா சொன்னார்.