ஏஎஃப்ஏ பணிக்குழு 27 பரிந்துரைகளை முன்வைத்துள்ளது வெளிநாட்டு ஊழியர்கள் தொடர்பில் நீக்குப்போக்குத்தன்மை தேவை

வெளிநாட்டு ஊழியர்கள் தொடர்பில் மேம்பட்ட நிதியுதவித் திட்டம், அவர்களைக் கையாள்வதில் நீக்குப்போக்குத் தன்மை ஆகியவை தேவை என்று ஏஎஃப்ஏ (Alliance for Action) எனப்படும் வர்த்தகப் போட்டித்தன்மை தொடர்பான தனியார்-பொதுத் துறை கூட்டுப் பணிக்குழு வெள்ளிக்கிழமை (நவம்பர் 1) வெளியிட்ட தனது அறிக்கையில் தெரிவித்துள்ளது.

இந்தப் பணிக்குழுவின் இணைத் தலைவரான வர்த்தக, தொழில் மூத்த அமைச்சர் லோ யென் லிங், “இந்த அறிக்கையை அரசாங்கம் மிகுந்த அக்கறையுடன் கவனத்தில் கொள்ளும். அதில் அடங்கியுள்ள 27 பரிந்துரைகளை தொடர்புடைய அமைச்சுகள், முகவைகளுடன் ஆய்வு செய்யும்,” என்று கூறினார்.