இளையரிடையே தொழில்முனைப்புடன் வர்த்தகத் திறன்களை ஊக்குவித்த போட்டி

லாப நோக்கமற்ற அமைப்பான ‘ஹாலோஜென்’, ஆண்டுதோறும் நடத்தும் 'தேசிய இளம் தொழில்முனைப்புச் சவால்', நவம்பர் 14ஆம் தேதி ஷா அறக்கட்டளை முன்னாள் மாணவர் மன்றத்தில் இறுதிப் போட்டியுடன் நிறைவடைந்தது.

- யோகிதா அன்புச்செழியன்

தொழில்முனைப்பைக் கற்பிக்கும் கட்டமைப்பு (NFTI), இப்போட்டிவழி இளம் சிங்கப்பூரர்கள், குறிப்பாக பின்தங்கிய சமூகங்களைச் சேர்ந்தோரின் தொழில்முனைப்பு ஆர்வத்தை வளர்த்து வருகிறது.

தொழில்துறைத் தலைவர்களின் முன்னிலையில் தாங்கள் உருவாக்கிய வர்த்தகத் தீர்வுகளை இளையர்கள் படைப்பதற்கான தளத்தை இது வழங்கி வருகிறது.

பெருநிறுவன தன்னார்வலர்களால் ஆதரிக்கப்பட்ட இந்நிகழ்ச்சியின்வழி, மாணவர்கள் சந்தை ஆராய்ச்சி, நிதிக் கல்வியறிவு, வாடிக்கையாளர்களுக்காக வர்த்தக யோசனைகளைப் படைத்தல் போன்ற முக்கிய வர்த்தகத் திறன்களைக் கற்றுக்கொண்டனர்.

இத்திட்டத்தில் மொத்தம் பங்கேற்ற 16 பள்ளிகளைச் சேர்ந்த 539 மாணவர்களிலிருந்து 45 போட்டியாளர்கள் தேர்ந்தெடுக்கப்பட்டனர்.