$1 மி. வரை வழங்கும் புதிய மானியம்

சுகாதாரத் துறையில் புத்தாக்கத் திட்டங்களுக்கு அதிகமக்சம் $1 மில்லியன் நிதியாதரவு வழங்கும் புதிய மானியத்தை தேசிய சுகாதார புத்தாக்க நிலையம் (NHIC என்எச்ஐசி) அறிமுகப்படுத்தியுள்ளது. நவம்பர் 14ஆம் தேதி நடந்த அந்நிலையத்தின் 10ஆம் ஆண்டு நிறைவு நிகழ்ச்சியில் சுகாதார மற்றும் தகவல், மின்னிலக்க மூத்த துணை மேம்பாட்டு அமைச்சர் ஜனில் புதுச்சேரி இதை அறிவித்தார்.

- ரவி சிங்காரம்

புத்தாக்கமிக்க திட்டங்களைச் சந்தைக்குத் தயார்ப்படுத்தவும் மருத்துவமனைகளில் செயல்படுத்தவும் இப்புதிய மானியம் உதவும். இதன்வழி, தனியார் துறை ஆதரவை ஈர்ப்பதையும் என்எச் ஐசி இலக்காகக் கொண்டுள்ளது. என்எச்ஐசி ஏற்கெனவே திட்டங்களின் வழங்கும் விரிவாக்கமே இம்மானியம். இது வரை என்எச்ஐசி 25 தொழில் முனைவுகளின் உருவாக்கத்திற்கும் 34 சந்தைகளில் 16 விளை பொருள்களின் (products) அறிமுகத்துக்கும் 72 உரிமங்களுக்கும் வித்திட்டுள்ளது.

“என்எச்ஐசி, கடந்த 10 ஆண்டுகளாக பொதுச் சுகாதாரக் கழகங்களில் 100க்கும் மேற்பட்ட புத்தாக்கத் திட்டங்களை விரைவுபடுத்தி, தனியார் துறை முதலீடுகளில் கிட்டத்தட்ட $90 மில்லியனை ஈர்த்துள்ளது," என்றார் டாக்டர் ஜனில்.