ஆள்கடத்தலுக்கு எதிராக இன்டர்போலின் ஆகப்பெரிய நடவடிக்கையில் சிங்கப்பூர் உதவி

அனைத்துலகக் குற்றவியல் காவல்துறை அமைப்பு (இன்டர்போல்) உலக அளவில் நடத்திய திடீர் சோதனையில், ஆட்கடத்தலுக்கு உள்ளாகி மற்றவர்களை ஏமாற்ற மோசடி நிலையங்களில் வலுக்கட்டாயப்படுத்தப்பட்டு வேலை செய்யும் நிலைக்குப் பலர் தள்ளப்பட்டது கண்டறியப்பட்டது.

இது, வழக்கமான ஆட்கடத்தல் போக்கிலிருந்து வேறுபடுவதாக இன்டர்போல சொன்னது.

வேலை வாங்கித் தருவதாகக் கூறி, பாதிக்கப்பட்டவர்களை மிரட்டி, துன்புறுத்தி மோசடி நிலையங்களில் அவர்களை மோசடிக் கும்பல்கள் அடைத்து வைக்கின்றனர்.

இன்டர்போல் நடத்திய அதன் ஆகப்பெரிய சோதனை நடவடிக்கையில் (Operation Liberterra II), ஆட்கடத்தலுக்கு ஆளாகியிருக்கலாம் எனச் சந்தேகிக்கப்படும் 3,222 பேரை தான் மீட்டதாகத் தெரிவித்தது.