பங்ளாதேஷில் தேசத் துரோகக் குற்றச்சாட்டின்கீழ் இந்து சமயத் தலைவருக்குச் சிறை பலத்த பாதுகாப்பு அமலில் உள்ளது

பங்ளாதேஷின் சிட்டகோங் நகரில் புதன்கிழமை (நவம்பர் 26), பலத்த பாதுகாப்பு அமல்படுத்தப்பட்டுள்ளது.

இந்து சமயத் தலைவர் சின்மோய் கிருஷ்ண தாஸ் கைது செய்யப்பட்டதை அடுத்து அங்கு மோதல் சம்பவங்கள் ஏற்பட்டன. ஆர்ப்பாட்டத்தில் வழக்கறிஞர் ஒருவர் கொல்லப்பட்டதன் தொடர்பில் ஆறு பேரைக் காவல்துறை கைது செய்துள்ளது.

கொலையுண்டவர் 35 வயது சைஃபுல் இஸ்லாம் அலிஃப் என்று சம்பவத்தை நேரில் பார்த்தவர்களை மேற்கோள்காட்டி இந்திய ஊடகங்கள் தகவல் வெளியிட்டுள்ளன. கிருஷ்ண தாஸ், இஸ்க்கான் எனப்படும் கிருஷ்ண பக்தர்களுக்கான அனைத்துலகச் சங்கத்தைச் (ISKCON) சேர்ந்தவர்.

கடந்த திங்கட்கிழமை, டாக்கா விமான நிலையத்தில் அவர் கைது செய்யப்பட்டார். தேசத் துரோகம் உள்ளிட்ட பல்வேறு குற்றச்சாட்டுகள் அவர் மீது சுமத்தப்பட்டுள்ளன.