ஆஸ்திரேலியாவில் 16 வயதுக்குக்கீழ் உள்ளவர்கள் சமூக ஊடகத்தைப் பயன்படுத்தத் தடை சமூக ஊடக நிறுவனங்கள் கண்டனம்

ஆஸ்திரேலியா, 16 வயதுக்குக்கீழ் உள்ளவர்கள் சமூக ஊடகத்தைப் பயன்படுத்தத் தடை விதித்திருப்பதை அடுத்து, சமூக ஊடக நிறுவனங்கள் அந்தச் சட்டத்திற்குக் கண்டனம் தெரிவித்துள்ளன.

ஐக்கிய நாட்டுக் குழந்தைகள் நிதியமான ‘யுனிசெஃப் ஆஸ்திரேலியா’வும் அவற்றுடன் சேர்ந்துகொண்டுள்ளது. அந்தச் சட்டம் இணையத் தீங்குகளுக்கு எதிரான தீர்வு அல்ல என்று அது எச்சரித்தது. அது, இணையத்தில் பிள்ளைகளை ஒழுங்குமுறைக் கட்டுப்பாடற்ற தளங்களுக்குத் தள்ளிவிடக்கூடும் என்றும் அது கூறியது.

அந்தச் சட்டம் மிகச் சிறப்பாக நடைமுறைப்படுத்தப்படாவிட்டாலும் அதனை மேற்கொள்வது சரியானது என்று பிரதமர் ஆண்டனி அல்பனிஸ் கூறினார்.