கலைஞர்களின் கனவுக்கூடம் ‘லாசால்’

சிங்கப்பூரின் லாசால் கலைக் கல்லூரி அண்மையில் தனது நாற்பதாம் ஆண்டு நிறைவைக் கொண்டாடியது. யொட்டி, அக்கல்லூரியின் முன்னாள் மாணவர்கள் உள்ளிட்ட பலர் லாசால் குறித்த தங்களது நினைவுகளைப் பகிர்ந்து கொண்டனர்.

லாசால் கலைக்கல்லூரியின் ஆசியக் கலை வரலாறுகள் வகுப்பின் முன்னாள் மாணவரும், நாடாளுமன்ற நியமன உறுப்பினருமான உஷா சந்திரதாஸ் கலை சார்ந்த தமது பயணத்தில் கல்லூரி அளித்த பல்வேறு வாய்ப்புகளைப் பதிவு செய்தார்.

“கலைகளுக்கும் புத்தகத் தொழிற்துறைகளுக்கும் லாசால் என்னை அறிமுகம் செய்தது. என்னுடன் இணைந்து கலை சார்ந்த சஞ்சிகையான ‘ப்ளூரல் ஆர்ட் மேக்' (PluralArtMag) துவங்கத் துணைபுரிந்த வகுப்புத் தோழர்களை இங்குதான் சந்தித்தேன்.

“உலகப் புகழ்பெற்ற கலைஞர்களைச் சந்திக்கவும், அனைத்துலக அளவில் ஆய்வுக் கட்டுரைகளைச் சமர்ப்பிக்கவும் கல்லூரி வாய்ப்புகள் அளித்தது.