பங்ளாதேஷில் சிங்கப்பூர் செல்வந்தரிடம் விசாரணை

கள்ளப்பணத்தை நல்ல பணமாக மாற்றியது உட்பட நிதி சார்ந்த பல்வேறு குற்றங்களில் ஈடுபட்டதாகக் கூறி, சிங்கப்பூர் பெருஞ்செல்வந்தர் ஒருவரிடம் பங்ளாதேஷ் அதிகாரிகள் விசாரணை நடத்தி வருகின்றனர்.

அதே நேரத்தில், தமது கட்சிக்காரரின் நற்பெயருக்குக் களங்கம் விளைவிக்கும் முயற்சிகளில் இதுவும் ஒன்று என்று அவருடைய வழக்கறிஞர்கள் தெரிவித்துள்ளனர்.

பங்ளாதேஷில் பிறந்தவரான சைஃபுல் ஆலம் மசூத், 64, தற்போது பங்ளாதேஷின் மத்திய வங்கியான பங்ளாதேஷ் வங்கி, குற்றப் புலனாய்வுத் துறை (பங்ளாதேஷ்), ஊழல் தடுப்பு ஆணையம், பங்ளாதேஷ் பங்குச் சந்தை ஆணையம் ஆகியவற்றால் விசாரிக்கப்பட்டு வருகிறார்.