4ஜி தலைவர்களின் முக்கியப் பங்கு குறித்து விவரித்த அமைச்சர் கா. சண்முகம் பொருளியலுக்கு உகந்த நாடாக சிங்கப்பூரை வைத்திருக்கவேண்டும்

வரும் ஆண்டுகளில் சிங்கப்பூரை பொருளியலுக்கு உகந்த நாடாக வைத்திருக்கத் தேவையான அம்சங்களைக் கண்டறிவது நான்காம் தலைமுறைத் (4G) தலைவர்களின் இன்றியமையாத பணி என்று சட்ட, உள்துறை அமைச்சர் கா சண்முகம் தெரிவித்து உள்ளார்.

சிங்கப்பூர் எக்ஸ்போ அரங்கில் நடைபெற்ற சீக்கிய கலாசாரத் திருவிழாவின் இறுதி நிகழ்வில் பங்கேற்று அவர் உரையாற்றினார்.

“நிலத்திற்கும் உழைப்புக்கும் இங்கு ஆகக்கூடிய அதிகச் செலவுகள், நாம் ஏன் இங்கு பணத்தைக் கொட்ட வேண்டும் என்ற கேள்வியை வெளிநாட்டு முதலீட்டாளர்களிடத்தில் ஏற்படுத்தக்கூடும்.