சிங்கப்பூர் அணி குறித்துப் பயிற்றுநர் பெருமிதம்

ஆசியான் வெற்றியாளர் கிண்ணப் போட்டியில் ஞாயிற்றுக்கிழமை (டிசம்பர் 29) நடந்த அரையிறுதி இரண்டாம் ஆட்டத்தில், சிங்கப்பூர் காற்பந்து வீரர்கள் தங்களது நோக்கத்தை அறிந்து வியட்னாமுக்குச் சென்றனர்.

அங்கு பெரும் ஆரவாரத்தை எழுப்பும் ரசிகர்களை அமைதியடையச் செய்ய, ஆட்டத்தின் ஆரம்பக்கட்டத்திலேயே கோல் போட இலக்கு கொண்டிருந்தனர்.

அதன்படி, ஆட்டத்தின் 10வது நிமிடத்திலேயே வலைக்குள் பந்தை அவர்கள் செலுத்தினாலும், அது செல்லுபடியாகாது என நடுவர் எடுத்த முடிவு சர்ச்சையைக் கிளப்பியது.