பாலின சமத்துவமும் வஞ்சக சிந்தனைப்போக்கும்

பெண்களை நம்பக்கூடாது; பெண்கள் நயவஞ்சகம் மிக்கவர்கள் போன்ற சிந்தனைகள் ஆண்களிடையே நிலவிய காலம் உண்டு.

தற்போது பல நாடுகளில் பெண்கள் முன்னேற்றம் அடைந்து புதிய வாய்ப்புகளைப் பெற்று வந்தாலும் சில நாடுகளில் பாலின சமத்துவமின்மை தொடர்கிறது.

சமத்துவமின்மை எங்கு மேலோங்கி உள்ளதோ, அங்கு சூழ்ச்சித்திறமும் வஞ்சகமும் அதிகம் இருக்கும் என்று புதிய ஆய்வு ஒன்று கண்டறிந்துள்ளது.

‘குணநலன் சார்ந்த மனோவியலுக்கான அனைத்துலக ஆய்வு’ டிசம்பர் 2024ல் வெளிவந்துள்ளது.

பெண்கள் சூழ்ச்சிக்காரர்களாக இலக்கியங்களிலும் பழமொழிகளிலும் சித்திரிக்கப்பட்டாலும் சூழ்ச்சித்தன்மை பொதுவாக ஆண்களுக்கு அதிகமாக இருப்பதாக இந்த ஆய்வு கண்டறிந்துள்ளது.