తపి ప్రియులు

రాఘవ్ భార్య పంకజం, భర్తకు షుగరుందని ఆయన్ను భయపెట్టి నిత్యం కూరల్లో ఏదో రకంగా కాకరకాయను కలిపి భోజనం పెడుతోంది.

- బొందల నాగేశ్వరరావు

రాఘవ్ భార్య పంకజం, భర్తకు షుగరుందని ఆయన్ను భయపెట్టి నిత్యం కూరల్లో ఏదో రకంగా కాకరకాయను కలిపి భోజనం పెడుతోంది. రాఘవ్ కూడా కిమ్మనకుండా భోంచేసేవాడు.

ఆ రోజు కూడా కాకరకాయ కూర, కాకరకాయ వేపుడుతో భోజనం వడ్డించింది పంకజం.

కంచం ముందు కూర్చొన్న రాఘవ్ తప్పదన్నట్టు భోజనం ముగించుకుని చేదు తెలియకుండా వుండటానికి తను రహస్యంగా తెప్పించుకున్న నేతి హల్వాను అతి రహస్యంగా తింటూ టీ.వీలో కార్టూన్ బొమ్మలను చూస్తున్నాడు.

అప్పుడు అందాక గదిలో కూర్చొని స్నేహితురాళ్లతో స్నేహితురాళ్లతో మాట్లాడుకొంటున్న రాఘవ కూతురు తన్వి హాల్లోకొచ్చి టీ.వీ. చూస్తున్న తండ్రి పక్కన కూర్చుంది.

"మేం రడీ నాన్నా! మీరు మమ్మల్ని కార్లో మాల్కు తీసుకువెళ్లటమే తరువాయి" అంటూ తండ్రి ముఖంలోకి చూసి "ఏమిటీ! స్వీటు తింటున్నారా? గ్రైండరులో రుబ్బుతున్నట్టు నోటిని తెగ ఆడించేస్తున్నారే!” బెదరింపు ధోరణితో అంది కూతురు.

"అవునమ్మా! మీ అమ్మ చేసే చేదు కూరలను, వేపుళ్లను తిని తిని నా నాలుక చదుబారిపోయిందమ్మా. అందుకే రహస్యంగా నేతి హల్వాను తెప్పించుకొని తింటున్నాను. ఈ సంగతి మీ అమ్మకు చెప్పకు. చెపితే నా ఆరోగ్యం కోసం తను బాధపడిపోయి గోలగోలగా నా మీదకు ఒంటి కాలి మీద లేస్తుంది.

ఆ..” అన్నాడు రాఘవ్ అమాయకంగా.

తండ్రిపై జాలి కలిగింది కూతురికి.“ఓకే! ఇదే లాస్టు. ఇకపై స్వీట్లు తినకండి” హెచ్చరించింది కూతురు.

ఆ మాటలు కిచెన్ లో వున్న తల్లి పంకజం చెవిన లీలగా పడ్డాయి."ఏమిటక్కడ గుసగుసలు! అమ్మాయిలూ.. వారి మీద మీకున్న ప్రేమాభిమానంతో స్వీట్లుగాని పెట్టేరు సుమా! వారికి షుగరు నాలుగు వందలు దాటిందమ్మా!" కేకేసినట్లు అంది పంకజమ్మ.

"అబ్బే! వాళ్లిచ్చినా నేను ముట్టుకోను పంకజం. నీ మీద ఒట్టు. నా ఆరోగ్యం కోసం నువ్వు ఎన్ని జాగ్రత్తలు తీసుకొంటున్నావో మరి" అని అంటుండగానే రాఘవ్కు ఎక్కిళ్లు వచ్చాయి.