'సంఘీ' భావం

అవినీతి అధికారులకు శిక్షలు ఏవీ?

ప్రభుత్వ అధికారులుగా పనిచేస్తూ అవినీతికి పాల్పడుతున్న వారికి ఆశించిన మేరకు శిక్షలు పడటం లేదు. అవినీతి నిరోధక శాఖ (ఎసీబీ) అధికారులు ఇలాంటి అధికారులను పట్టుకున్న సమయం లో మీడియాలో పతాక శీర్షికల్లో వార్తలు రావడం మినహా పెద్దగా ప్రయోజనం ఉండటం లేదు. చట్టంలోని లొసుగులతో అవినీతి అధికారులు ఈ కేసుల నుంచి బయటపడటమే కాకుండా ఏ సీటులో ఉండి అవినీతికి పాల్పడ్డారో అదే సీటుకు తిరిగి నియమిం చబడుతున్నారు. కొన్ని సందర్భాల్లో అంతకంటే ఎక్కువ ఆదాయం వచ్చే స్థానాలు వారికి లభిస్తున్నాయి. ఏసీబీ అధికారులు విధినిర్వ హణలో రెండు రకాల కేసులపై దృష్టి సారిస్తూ ఉంటారు. వలపన్ని పట్టుకునే కేసులు, ఆదాయాన్ని మించి ఆస్తులు కలిగిన ప్రభుత్వ సిబ్బంది కేసులు ఉంటాయి. ఏదైనా పనికోసం లంచం అడిగి డబ్బు తీసుకుంటున్న సమయంలో ఏసీబీ అధికారులు అక్కడికి చేరుకుని పట్టుకునే కేసులను ట్రాప్ కేసులుగాను, ఏదైనా అధికారి ఆదాయానికి మించి ఆస్తులు కలిగి ఉంటే ముందుగా కొంత దర్యాప్తు చేసి ఆ తరువాత ఏకకాలంలో అతని కార్యా లయంలోను, ఇంటిలోను, బంధువుల ఇళ్లలో సోదాలు నిర్వహించి వివరాలు సేకరించే కేసులను ఆదాయానికి మించి ఆస్తుల కేసులు గా పరిగణిస్తారు. ఏసిబి విభాగం ఏర్పాటుకు 1960 డిసెంబర్లో ఏ 1961 నుంచి అమలులోకి వచ్చింది.సాధారణంగా ఏసీబీ అంటే కేవలం పోలీసు విభాగం వారే ఉంటారని భావిస్తారు.