డబ్బు ఎంత పనైనా చేస్తుంది!

డబ్బు అనేది నాకు ఒక్కో ప్రాయంతో వేర్వేరు అర్థాలిచ్చింది.స్కూల్లో చదువుతున్నప్పుడు మధ్యాహ్నం అన్నం తినడానికి ఇంటికి వెళ్లడం వల్ల బామ్మ డబ్బుని చూపించేది కాదు.

- యామిజాల జగదీశ్

డబ్బు అనేది నాకు ఒక్కో ప్రాయంతో వేర్వేరు అర్థాలిచ్చింది.స్కూల్లో చదువుతున్నప్పుడు మధ్యాహ్నం అన్నం తినడానికి ఇంటికి వెళ్లడం వల్ల బామ్మ డబ్బుని చూపించేది కాదు.అసలా ప్రస్తావన తెచ్చేది కాదు. అయితే ఎప్పుడైనా రెండణాలిచ్చి చాక్లెట్ కొనుక్కుని తినమని చెప్పేది. అప్పట్లో రెండణాలతో రంగరాజా టెంట్ హౌస్లోలో నేల టిక్కెట్ కొనుక్కుని సినిమా చూడొచ్చు.

బామ్మకు ఓ బ్యాంకులో ఖాతా ఉండేది. అందులో కాస్త డబ్బుండేది.ఎప్పుడైనా ఓ ఇరవై అయిదు రూపాయలు తీసుకురమ్మనమని చెప్పేది.వణికే వేళ్లతో ఇరవై అయిదు సార్లు లెక్కపెట్టి ఇస్తారక్కడ.

బ్యాంకుని దోచుకోవడానికి వచ్చిన వాడిలా చూసేవారు నన్ను.

తిరుచ్చీ సెయింట్ జోసెఫ్ కాలేజీలో చదివినప్పుడు శ్రీరంగం నుంచి తిరుచ్చీ టౌనుకి వచ్చి మూడు నెలలకు ఓ పసుపు రంగు పాస్ ఒకటి కొనిచ్చేది.దాంతో లాల్గుడి ప్యాసింజరులో ప్రయాణం చేసి కాలేజీకి వెళ్లేవాడిని.మధ్యాహ్నం హోటల్లో అన్నం తినడానికి ఇచ్చేది.పెవిన్సులర్ హోటల్లో డబ్బు ఓ దోసె రెండణాలు. కొన్ని సార్లు దోసెను కాకుండా ఇండియా కాఫీ హౌసులో కాఫీ తాగేవాడిని. ఐస్ క్రీం వంటివన్నీ కలగడమే.

ఎంఐటీ(మద్రాసు)లో చదువుతున్నప్పుడు నాన్న హాస్టల్ మెస్ బిల్లు కట్టి నా సబ్బు, దువ్వెన వంటి ఖర్చులకు ఇరవై అయిదు రూపాయలు ఇచ్చేవారు. బడ్డీకొట్టు అయ్యర్ దుకాణంలోనూ, క్రోంపేట్ రైల్వే స్టేషన్ దుకాణంలోనూ ఎప్పుడూ అప్పే. ఆ అప్పు ఎప్పుడు తీర్చానో గుర్తు లేదు.

ఇంజినీరింగ్ చదువు పూర్తి చేసి ఆల్ ఇండియా రేడియోలో ట్రైనింగ్ అప్పుడు స్టైఫండ్గా నూట యాభై రూపాయలు ఇచ్చేవారు. అదొక కలలా అనిపించేది.ఎందుకంటే అప్పటివరకూ నేనంత డబ్బు చూడలేదు.

సౌత్ ఇండియా బోర్డింగ్ మౌస్ అన్నానికి ఖర్చు డెబ్బయి అయిదు రూపాయలు. మిగిలిన డెబ్బయి అయిదు రూపాయలు ఎలా ఖర్చు చేయాలో తెలియక ఉక్కిరిబిక్కిరి అయ్యేవాడిని.ఉలెన్ స్వెట్టర్, బోలెడన్ని పుస్తకాలు కొనేవాడిని. నెల చివర్లో రూపాయో..రెండు రూపాయలో మిగిలేవి.

ఆ తర్వాత ఉద్యోగం దొరికింది.1959లో కేంద్ర ప్రభుత్వ ఉద్యోగం.నెల జీతం 275 రూపాయలు. నాన్నకు ఓ ట్రాన్సిస్టర్ కొనిచ్చాను. అమ్మేమో తనకేదీ అక్కర్లేదంది. ఓ మాండొలిన్ కొని రాత్రీ, పగలూ సాధన చేసేవాడిని. ఇంట్లో ఆంప్లియర్, రికార్డ్ ప్లేయర్ వంటివన్నీ పెట్టి నానా హంగామా చేసేవాడిని.పాపం.. అమ్మ ఆ గోలంతా భరించింది.