కళ్యాణ క్షేత్రం 'వల్లిమలై'

ఆది దంపతుల ప్రియపుత్రుడు సుబ్రహ్మణ్యస్వామి తమిళనాడులో ఎక్కువగా కనిపిస్తాయి.

- ఇలపావులూరి వెంకటేశ్వర్లు

ఆది దంపతుల ప్రియపుత్రుడు సుబ్రహ్మణ్యస్వామి తమిళనాడులో ఎక్కువగా కనిపిస్తాయి. ప్రతి ఒక్క క్షేత్రం తనదైన పౌరాణిక గాథ, చారిత్రక విశేషాలు కలిగి ఉంటుంది. దేశంలో మరెక్కడా లేని విధంగా శ్రీ కుమారస్వామి విశ్రాంతి తీసుకొన్న ఆరు పడై వీడు క్షేత్రాలను విశేషంగా చెప్పుకోవచ్చు.

వాటితో సంబంధం కలిగివుండి, శ్రీ షణ్ముఖ కళ్యాణంతో ముడిపడి ఉన్న ఒక క్షేత్రం తమిళనాడులోని వెల్లూరు పట్టణానికి సమీపంలో ఉంది.

వల్లిమలై

మయూర వాహనుని ఇద్దరు భార్యలలో ఒకరైన వల్లీదేవి జన్మస్థానంగా పేర్కొంటారు. వల్లీదేవి ఈ ప్రాంత అడవికి రాజు అయిన నంబి రాజుకు పసిబిడ్డగా లభించిందట. అతను ఆమెకు వల్లీ అని పేరు పెట్టి అల్లారుముద్దుగా పెంచుకొన్నాడు.

యుక్తవయస్సుకు వచ్చిన వల్లీకి వివాహం చేయ సంకల్పించారు. తల్లితండ్రులు. ఆ సమయంలో నారద మహర్షి వచ్చి వారికి వల్లీదేవి జన్మవృత్తాంతం చెప్పారని ప్రతీతి.

వల్లీదేవి జన్మ వృత్తాంతం

ఒకసారి శ్రీ మహావిష్ణువు వృద్ధుని రూపంలో చేస్తున్న తపస్సును భగ్నం చేయడానికి శ్రీ మహాలక్ష్మి మనోహరమైన నాట్యం చేసిందట. ఆ సమయంలో ఆమె శరీరం నుండి ఒక స్వేద బిందువు ఈ ప్రాంతంలోని గడ్డి పరకల మీద పడిందట. ఒక ఆడ జింక గడ్డితో పాటుగా ఆ బిందువును కూడా తీసుకొన్నదట.

ఆ కారణంగా కొంత కాలానికి జింక చక్కని ఆడపిల్లకు జన్మనిచ్చింది. మరో సంగతి ఏమిటంటే గత జన్మలో ఈ బాలిక తన సోదరితో కలిసి ఈ ప్రాంతంలో శ్రీ లక్ష్మీనారాయణుల అనుగ్రహం కోరి తపస్సు చేసారట. వారు ఆయనను తమకు శివపుత్రుడైన శ్రీ కార్తికేయునితో కళ్యాణం జరిగేలా వరం కోరుకున్నారు.

లక్ష్మీనారాయణులు వచ్చే జన్మలో అది సాధ్యపడుతుంది. అప్పుడు ఒకరు దేవేంద్రుని కుమార్తె దేవసేనగా, మరొకరు వల్లీదేవిగా జన్మిస్తారు.. అని వరం అనుగ్రహించారట.

అందువల్ల ఈ బాలిక శివపార్వతుల కుమారుడైన దేవసేనానికే చెందుతుంది.