ഉഗ്രരൂപിയായ ശ്രീമഹാദേവൻ

ശ്രീകണ്ഠേശ്വര ക്ഷേത്രം എന്നുപറയുമ്പോൾ എല്ലാ വിശ്വാസികളുടേയും മനസ്സിൽ ആദ്യം ഓടിയെത്തുന്നത് തിരുവനന്തപുരം ശ്രീപത്മനാഭ സ്വാമി ക്ഷേത്രത്തിന് സമീപത്തായി കുടികൊള്ളുന്ന മഹാ ദേവക്ഷേത്രമാണ്. എന്നാൽ ഇതേ ക്ഷേത്രത്തിന്റെ മൂലസ്ഥാനമായി കുടികൊള്ളുന്ന പഴയ ശ്രീകണ്ഠേശ്വരം ക്ഷേത്രത്തെക്കുറിച്ച് എല്ലാവർക്കും വലിയ ധാരണ ഉണ്ടാകണമെന്നില്ല

- അനീഷ് മോഹനചന്ദ്രൻ

ശ്രീകണ്ഠേശ്വര ക്ഷേത്രം എന്നുപറയുമ്പോൾ എല്ലാ വിശ്വാസികളുടേയും മനസ്സിൽ ആദ്യം ഓടിയെത്തുന്നത് തിരുവനന്തപുരം ശ്രീപത്മനാഭ സ്വാമി ക്ഷേത്രത്തിന് സമീപത്തായി കുടികൊള്ളുന്ന മഹാ ദേവക്ഷേത്രമാണ്. എന്നാൽ ഇതേ ക്ഷേത്രത്തിന്റെ മൂലസ്ഥാനമായി കുടികൊള്ളുന്ന പഴയ ശ്രീകണ്ഠേശ്വരം ക്ഷേത്രത്തെക്കുറിച്ച് എല്ലാവർക്കും വലിയ ധാരണ ഉണ്ടാകണമെന്നില്ല. എന്നാൽ അനന്തപുരിയിലെ പഴമക്കാരെ സംബന്ധിച്ചിടത്തോളം ശ്രീകണ്ഠേശ്വമെന്നാൽ ആദ്യം മനസ്സിലെത്തുന്നത് കോവിൽ വിള മഹാദേവ ക്ഷേത്രമെന്ന് അറിയപ്പെടുന്ന പഴയ ശ്രീകണ്ഠേശ്വര ക്ഷേത്രമാണ്. ഓവർ ബ്രിഡ്ജിന് സമീപത്തെ എസ്.എം.വി സ്ക്കൂളിന് എതിർവശത്തായി സ്ഥിതി ചെയ്യുന്ന വിഖ്യാത ക്ഷേത്രം പരിപാലിക്കുന്നത് തിരുവിതാംകൂർ ദേവസ്വം ബോർഡാണ്.