ചോറൂണിന് പ്രധാനം തിങ്കളൂർ ചന്ദ്ര ക്ഷേത്രം

സൂര്യ, ചന്ദ്ര ക്ഷേത്രങ്ങൾ

ജ്യോതിശാസ്ത്ര പ്രകാരം മനസിന്റെ കാരകനാണ് ചന്ദ്രൻ. ഒരു മനുഷ്യനെ സംബന്ധിച്ചിടത്തോളം മനസ്സ്, മാതാവ്, ബുദ്ധി, സൗന്ദര്യം എന്നിവ ചന്ദ്രനെ അടിസ്ഥാനമാക്കിയാണ്. 10 വർഷമാണ് ചന്ദ്രദശാകാലം.. പൗർണ്ണമിയിലെ പൂർണ ചന്ദ്രൻ ജീവജാലങ്ങളെ മാത്രമല്ല കടലിനെപ്പോലും സ്വാധീനിക്കും എന്നും വിശ്വസിക്കുന്നു. ചന്ദ്രപ്രീതിക്കായുള്ള പൂജകളും വഴിപാടുകളും നേർച്ചകളും നടക്കുന്ന ഇന്ത്യയുലെ ഒരേയൊരു ക്ഷേത്രമാണ് തഞ്ചാവൂർ ജില്ലയിലെ തിരുവയാറിന് സമീപമുള്ള തിങ്കളൂർ എന്ന സ്ഥലത്ത് ചന്ദ്ര ക്ഷേത്രം. സ്ഥലത്തിന്റെ പേര് പോലെ തിങ്കൾ ചന്ദ്രനെ സൂചിപ്പിക്കുന്നു. തിങ്കളൂർ കൈലാസനാഥ ക്ഷേത്രം എന്നാണ് ഈ ദേവ സന്നിധിയുടെ യഥാർത്ഥ പേര്. ചന്ദ്രന്റെ പേ രിലാണ് അറിയപ്പെടുന്നതെങ്കിലും ഇതൊരു ശിവ പാർവതീക്ഷേത്രമാണ്. കുംഭകോണം തഞ്ചാവൂർ വഴിയിലെ ഒരു ചെറിയ ഗ്രാമമാണ് തിങ്കളൂർ. ഒട്ടേറെ പ്രത്യേകതകളുള്ള ഒരു സന്നിധിയാണ് ഇത്.

ചോറൂണിന് ഗുരുവായൂർ പോലെ