വൈക്കത്തപ്പനെ തൊഴുതാൽ സർവാനുഗ്രഹം

വൈക്കത്തഷ്ടമി

- സദാനന്ദൻ എസ്.

കേരളത്തിലെ ഏറ്റവും പഴക്കമുള്ള ശിവക്ഷേത്രങ്ങളിൽ ഒന്നാണ് തെക്കൻ കാശി എന്ന് പ്രശസ്തി ആർജ്ജിച്ച വൈക്കം മഹാദേവക്ഷേത്രം. 108 ശിവക്ഷേത്രങ്ങളിൽ ഒന്നായി പരിഗണിക്കുന്ന ഈ ക്ഷേത്രത്തിന്റെ മഹിമ അത്യപൂർവ്വമായ വിഗ്രഹചൈതന്യമാണ്. ത്രേതായുഗം മുതൽ ദേവന്മാരും ഋഷിമാരും മനുഷ്യരും കൂടി പൂജിച്ച് ചൈതന്യപൂരിതമാക്കിയതാണ് ഇവിടുത്തെ ശിവലിംഗം കോട്ടയത്തിനടുത്ത് വൈക്കം നഗരത്തിൽ കിഴക്ക് ദർശനമായ ഈ ക്ഷേത്രം പ്രസിദ്ധമായ വൈക്ക അഷ്ടമി മഹോത്സവത്തിന് ഒരുങ്ങുന്നു. വൃശ്ചിക മാസത്തിലെ കൃഷ്ണാഷ്ടമിനാളിൽ സമാപിക്കുന്ന 12 ദിവസത്തെ ഉത്സവവും പിറ്റേദിവസം ആറാട്ടും ഉൾപ്പെടുന്നതാണ് ഈ മഹത്സവം. തന്ത്രിമാരായ കിഴക്കിനേടത്ത് മേക്കാട്ട് നാരായണൻ നമ്പൂതിരി, മറ്റപ്പളളി നാരായണൻ നമ്പൂതിരി എന്നിവരുടെ മുഖ്യകാർമ്മികത്വത്തിലാണ് കൊടിയേറ്റം. ഇതിന് സന്ധ്യവേല ചടങ്ങു വിപുലമായ മുമ്പായി കോട്ടു തൂക്കൽ  നടക്കും. 5, 6, 8, 11 ദിനങ്ങളിൽ ഉത്സവബലി ഉണ്ടാകും. 7-ാം ഉത്സവത്തിന് ഋഷ ഭവാഹനം എഴുന്നള്ളിപ്പ് കാണും.

സർവാനുഗ്രഹദായകം