ഒടിച്ചു കൊല്ലുന്ന ഒടിയൻ

ആഭിചാരം സത്യമോ മിഥ്യയോ?

- ബൈജുരാജൻ

മന്ത്രവാദവും ദുർമന്ത്രവാദവും പോലുള്ള ആഭി ചാരങ്ങൾ ഇക്കാലത്തും നമ്മുള്ള സമൂഹത്തിൽ ഒളിവിലും തെളിവിലും നിലനിൽക്കുന്നുണ്ട്. ശാസ് തബോധമാർജിച്ചുയെന്നവകാശപ്പെടുന്ന ആധുനി ക സമൂഹവും ഇത്തരം സംഗതികളെ പൂർണമായും കയ്യൊഴിഞ്ഞിട്ടില്ലെന്നതാണ് സത്യം. ഇന്നത്തെ തിരക്കേറിയ ജീവിതത്തിൽ ദുർമന്ത്രവാദത്തിന് പ്രസക്തിയുണ്ടോ എന്ന ചോദ്യം ഉയർന്നു വരു ന്നത്. ആനുകാലിക സംഭവങ്ങളെ അവലോകനം ചെയ്യുമ്പോഴാണ് ഇതിന്റെ സാധ്യതകൾ പ്രത്യക്ഷമാകുന്നത്. വൻകിട നഗരങ്ങളിൽ കോടികൾ മുടക്കി നടക്കുന്ന വ്യാപാര സ്ഥാപനങ്ങൾ എതി രാളികളെ മലർത്തിയടിക്കാനും നിശ്ശേഷം തുടച്ചു മാറ്റാനുമായി ദുർമന്ത്രവാദം ചെയ്യിക്കുന്നത് ആധുനിക ലോകത്തും ഒരു സ്ഥിരം സംഭവമാകുന്നു. രാഷ്ട്രീയ പ്രതിയോഗികളെ നശിപ്പിക്കാനും ആഭിചാരം പ്രയോഗിക്കുന്നു. കലാപ്രകടനരം ഗങ്ങളിൽ ഉന്നതങ്ങളിൽ നിൽക്കുന്നവരെ നിലംപരിശാക്കാൻ ഇത്തരം സംഗതികൾ പ്രയോഗിക്കുന്നു. പ്രശസ്തിയും പണവും ഉള്ളവർക്കിടയിൽ ആഭിചാര പ്രവർത്ത കർക്ക് വലിയ പ്രചാരവും സ്വാധീനവും സ്വീകാര്യതയും ലഭിക്കുന്നു. നടീനടന്മാർ ക്കും ഗായകർക്കുമിടയിലുള്ള കിടമത്സരം അനാരോഗ്യാവസ്ഥയിലെത്തുന്നതിന്റെ മൂലകാരണങ്ങളിലൊന്ന് അവർക്ക് ആഭിചാരപ്രവൃത്തിയിലുള്ള വിശ്വാസം തന്നെയാണ്. മന്ത്രകർമ്മങ്ങൾക്ക് ഔഷധപ്രയോഗം പോലെ ഫലമുണ്ടെന്ന് പരക്കെ അംഗീകരിക്കപ്പെട്ടിരിക്കുകയാണ്. സോവിയറ്റ് യൂണിയനിൽ “പാരാ സൈക്കോളജി” എന്ന പേരിൽ നടത്തപ്പെടുന്ന പരീക്ഷണ നിരീക്ഷണങ്ങൾക്കൊന്നിനും മന്ത്രശക്തിയെ തീർത്തും നിഷേധിക്കാൻ പറ്റിയിട്ടില്ലെന്നൊരു പോയിന്റും ഇവിടെ പറയണം.