- ఫాలాక్షుడు గంగ దాల్చె నపుడు..

'భక్తవత్సలుడైన శివుడు ఆ భగీరథుని పూనికను మెచ్చి విష్ణుపాదాలను సోకి పవిత్రమైన జలం కలిగి, ఆకాశం నుంచి భూమి మీదకి ఉరికే గంగను తన శిరస్సుపై ధరించాడు.

- - స్వామి జ్ఞానదానంద

భక్తవత్సలుండు ఫాలాక్షుఁడా భగీరథుని మెచ్చి నిజశిరంబునందు శౌరిపాదపూత సలిలయై దివి నుండి ధరకు వచ్చు గంగ దాల్చె నపుడు

'భక్తవత్సలుడైన శివుడు ఆ భగీరథుని పూనికను మెచ్చి విష్ణుపాదాలను సోకి పవిత్రమైన జలం కలిగి, ఆకాశం నుంచి భూమి మీదకి ఉరికే గంగను తన శిరస్సుపై ధరించాడు. ' సదాశివుడి పరమకారుణ్యానికి ఈ ఘట్టం మరో నిదర్శనం.అందుకే ఆయన అనేక నామాల్లో గంగాధరుడు అనే పేరు అత్యంత ప్రత్యేకం.

శ్రీరామచంద్రుడి కన్నా పూర్వం ఆ ఇక్ష్వాకువంశంలో జన్మించిన భగీరథుడు ఒకానొక సందర్భంలో, దివిజ గంగను భువికి రప్పించాలని తీవ్రమైన తపస్సు ఆచరించాడు. ఆయన దీక్షకు ప్రసన్నురాలై ఆ సురనది ప్రత్యక్షమైంది. ఆ మహారాజు విన్నపాన్ని మన్నించి ఆ నదీమతల్లి ఈ వసుంధరపై ప్రవహించటానికి అంగీకరించింది. కానీ తన పరవళ్ళ ప్రతాపాన్ని తట్టుకునే శక్తి ఈ పుడమికి ఉందా? అన్న సందేహాన్ని వ్యక్తం చేసింది. స్వర్గలోకం నుంచి దిగివస్తున్నప్పుడు తనను ధరించే ధీశాలి ఎవరని ప్రశ్నించింది. అప్పుడు భగీరథుడు, పరమేశ్వరుడే ఆ పరమపావని ప్రవాహాన్ని భరించగలడని నిర్ణయించుకున్నాడు.ఆ మహేశ్వరుడి కోసం మహాతపస్సు చేశాడు. భక్తవరదుడైన ఆ బోళాశంకరుడు భగీరథుడి తపస్సుకు మెచ్చి సాక్షాత్కరించాడు.దీక్షాపరుడి పట్టుదలకు ప్రసన్నుడై మరుక్షణమే...