അലിവിന്റെ തുറയിൽ റത്തിന

ചുറ്റുമുള്ളവരുടെ വേദനകളിലേക്ക് അലിവോടെ കടന്നു ചെല്ലുന്ന കുറച്ചു മനുഷ്യർ. സംവിധായിക റത്തീന അവർക്കൊപ്പം ചേരുന്നു...

- അഷ്മില ബീഗം

എനിക്ക് ഏറെ പ്രിയപ്പെട്ട ഇടങ്ങളിലൊന്നാണ് ഇത്. ഒരുപാട് നല്ല സൗഹൃദങ്ങളുടെ, മനുഷ്യരുടെ, കരുണയുടെ മുറ്റം.'' കോഴിക്കോട് ഐ. പി. എമ്മിന്റെ (ഇൻസ്റ്റിറ്റ്യൂട്ട് ഓഫ് പാലിയേറ്റീവ് മെഡിസിൻ) മുന്നിൽ വാഹനമിറങ്ങവേ റത്തീന പറഞ്ഞു. ഒപ്പം പ്രവർത്തിച്ച ഒരാൾ സംവിധായികയായി മാറിയതിന്റെ സന്തോഷത്തിലാണ് ഐ.പി.എമ്മിലുള്ളവർ. നിറപുഞ്ചിരിയുമായി വൊളന്റിയേഴ്സ് എത്തി. അവർക്ക് അറിയാനും പറയാനും ഒരുപാട് വിശേഷങ്ങൾ.

അഞ്ച് വർഷങ്ങൾക്ക് മുമ്പാണ് റത്തീന ഐ.പി.എമ്മിൽ വൊളന്റിയർ ആയി എത്തുന്നത്. ചുറ്റുമുള്ളവരുടെ വേദനകളും യാതനകളും മനസ്സിലാക്കി യാതൊരു നേട്ടവും പ്രതീക്ഷിക്കാതെ സേവനം ചെയ്യുന്ന ഒരുപാട് മനുഷ്യർക്കൊപ്പം അവരും കൂടി. പക്ഷേ, ഈ ദിവസത്തെ തിരിച്ചുവരവിൽ വേഷം മറ്റൊന്നാണ്.

മമ്മൂട്ടിയെ നായകനാക്കി സിനിമ ചെയ്ത മലയാളത്തിലെ ആദ്യ സംവിധായിക. കേരളത്തിനകത്തും പുറത്തും ചർച്ച ചെയ്യപ്പെട്ടു കൊണ്ടിരിക്കുന്ന പുഴുവിന്റെ സംവിധായിക. “ഇവിടെയുള്ള രോഗികളിൽ പലരും മരണത്തോട് മല്ലിട്ട് നിൽക്കുന്നവരാണ്. നമ്മളുടെ സാമീപ്യം അവർക്ക് വലിയ ആശ്വാസമായിരിക്കും മുകളിലേക്കുള്ള പടവുകൾ കയറുന്നതിനിടെ റത്തീന് പിൻമുറക്കാരോട് പറഞ്ഞു. പ്രളയസമയത്ത് മമ്മൂക്ക വഴി കുടിവെള്ളം എത്തിക്കാൻ പറ്റിയതുപോലെ ഒരുപാട് കഥകൾ എനിക്കിവിടെയുണ്ട്... ആ കഥകളും കടന്ന് സിനിമയെക്കുറിച്ച്, സ്വപ്നങ്ങളെക്കുറിച്ച് സംസാരം നീണ്ടു. വിശേഷങ്ങൾ അറിയാനായി സ്റ്റുഡന്റ് വൊളന്റിയർമാർ ചോദ്യങ്ങളുമായി ചുറ്റും കൂടി.

സിനിമയിലേക്കുള്ള യാത്രയെകുറിച്ച്... സംവിധാനമായിരുന്നോ ഇഷ്ടപ്പെട്ട മേഖല?

ശ്രീലക്ഷ്മി മെഡിക്കൽ വിദ്യാർഥി, കോഴിക്കോട് മെഡിക്കൽ കോളേജ്