കുഞ്ഞുപപ്പിയെ വാങ്ങുമ്പോൾ

ആരോഗ്യമുള്ള നായ്ക്കുട്ടിയെ തിരഞ്ഞെടുക്കുമ്പോൾ ചില കാര്യങ്ങൾ ഓർക്കേണ്ടതുണ്ട്

- ഡോ. പ്രീന പി. അസിസ്റ്റന്റ് പ്രൊഫസർ, പ്രതിരോധ വിഭാഗം, മണ്ണുത്തി വെറ്ററിനറി കോളേജ്

നായയെ സ്വന്തമാക്കാനുള്ള തീരുമാനത്തിനൊപ്പം ആശയക്കുഴപ്പങ്ങൾ ഏറെയുണ്ടാകാം. എന്തായാലും അവയ്ക്ക് ക്ഷേമവും സ്നേഹവും നൽകാനായാൽ പെട്ടെന്നുതന്നെ നമുക്കൊപ്പം ഇണങ്ങിച്ചേരും.

1. വൈദഗ്ധ്യമുള്ള ഒരു പ്രാദേശിക ബ്രീഡറിൽ നിന്ന് നായ്ക്കുട്ടിയെ വാങ്ങുക. അംഗീകൃതമല്ലാത്ത കടകളിൽ നിന്നോ സൂപ്പർസ്റ്റോറുകളിൽ നിന്നോ വാങ്ങരുത്.

2. രൂപഭംഗി മാത്രം നോക്കാതെ വളർത്തുമൃഗത്തെക്കുറിച്ച് കഴിയുന്നത്ര വിവരങ്ങൾ ലഭിക്കുന്നതിന് പുസ്തകങ്ങൾ വായിക്കുക. വെറ്ററിനറി ഡോക്ടർമാരോടും ബ്രീഡർമാരോടും ഷെൽട്ടർ സ്റ്റാഫുകളോടും സംസാരിച്ച് മനസ്സിലാക്കുക.

3. കൃത്യമായ പെഡിഗ്രി വിവരങ്ങളുള്ള നായ്ക്കുട്ടിയെ വാങ്ങണം. ഇത് നായ്ക്കുട്ടിയുടെ ഏകദേശ വലുപ്പവും രൂപവും സ്വഭാവവും മറ്റും മനസ്സിലാക്കാൻ സഹായിക്കും.