ചേർത്തുപിടിക്കാം കൗമാരക്കാരെ

Between The Lines

- നയനാ സുധാകർ സൈക്യാട്രിസ്റ്റ്, പ്രാഥമിക ആരോഗ്യകേന്ദ്രം, പ്രമാടം, പത്തനംതിട്ട

ഒരു കുട്ടി മികച്ച പൗരനാകുന്നതിൽ രക്ഷിതാക്കൾക്കും അവരുടെ പേരന്റിങ് രീതിക്കും വലിയ പങ്കുണ്ട്. വളരെ സങ്കീർണമായ ഒരു കാലയളവാണ് കൗമാരം. പല രക്ഷിതാക്കൾക്കും കുട്ടികളുടെ കൗമാരം പേടി സ്വപ്നമാണ്. കുട്ടികൾ ഒരുപാട് ശാരീരിക മാനസിക വ്യതിയാനങ്ങളിലൂടെ കടന്നുപോകുന്ന സമയം കൂടിയാണിത്. മാതാപിതാക്കളോടുള്ള അടുപ്പം കുറയാം, എന്തിനും ഏതിനും എതിർപ്പിന്റെ ശബ്ദം ഉയരാം, ശാരീരിക മാറ്റങ്ങൾ കൊണ്ടുള്ള പ്രശ്നങ്ങൾ അവരിൽ മാനസിക സമ്മർദ്ദം കൂട്ടാം, ബന്ധങ്ങളുടെ മാനം മാറാം, ചുറ്റുപാടുകൾ അടിച്ചേൽപ്പിക്കുന്ന അമിത പ്രതീക്ഷകൾ മാനസികമായി ബാധിക്കാം... ഇങ്ങനെ വളരെയധികം പ്രക്ഷുബ്ദമാണ് കൗമാരം. അതിനാൽ മാതാപിതാക്കളും സമൂഹവും അവരെ ചേർത്തുപിടിക്കേണ്ട സമയമാണിത്.