ഞാൻ പഠിച്ച പാഠം

വിദ്യാർഥികൾക്ക് എന്താ വശ്യം വന്നാലും തിരക്കുകൾ മാറ്റിവെച്ച് വേണ്ട കരുതൽ നൽകണമെന്ന് ആ സംഭവം എന്നെ പഠിപ്പിച്ചു

- ബീന കുമാരി.

ഇപ്പോൾ ഓർക്കുമ്പോൾ സ്വയം പരിഹാസ്യയായതോർത്തുള്ള ചമ്മൽ. എന്നാൽ ഇരുപത് വർഷം മുൻപ് സ്കൂൾ ജീവിതം സമ്മാനിച്ച നടുക്കുന്ന ഓർമയാണത്. അന്ന് ഞാൻ ആറാം ക്ലാസിലെ ക്ലാസ്ടീച്ചറായിരുന്നു. ഒരു ദിവസം എന്റെ ക്ലാസിലെ ഒരു കുട്ടി വയറുവേദനിച്ച് കരയാൻ തുടങ്ങി. ഒന്നാമത്തെ പിരീഡാണ്. ഛർദിക്കണമെന്നും അസ്വസ്ഥത കൂടുകയാണെന്നും പറഞ്ഞ അവളെ ഞാൻ മറ്റൊരു കുട്ടിക്കൊപ്പം സിക്ക് റൂമിൽ വിശ്രമിക്കാനയച്ചു. എന്റെ പിരീഡ് കഴിഞ്ഞിട്ടും മടങ്ങി വരാത്തതിനാൽ ഞാൻ അവരെ അന്വേഷിച്ചു ചെന്നു. വീണ്ടും ഛർദിക്കുമെന്ന് ഭയന്ന് അവൾ അവിടെത്തന്നെ കിടക്കുകയായിരുന്നു. കുറച്ചുനേരം കൂടി കിടക്കാൻ ഞാൻ അവളോട് പറഞ്ഞു. എന്ത് ആവശ്യമുണ്ടെങ്കിലും ഉടനേ പറയണമെന്ന് കൂട്ടുകാരിയെ പറഞ്ഞേൽപ്പിച്ച് ഞാൻ ക്ലാസിലേക്ക് പോന്നു. അന്നെനിക്ക് തിരക്കുള്ള ദിവസമായിരുന്നു. ഇതിനിടെ ഞാൻ ഈ കുട്ടിയുടെ കാര്യം മറന്നു.