അഡാറാണ് ഡിംപൽ

ബിഗ് ബോസ് റിയാലിറ്റി ഷോയിലൂ ടെ മലയാളികൾക്ക് പരിചിതയാണ് ഡിംപൽ ഭാൽ അതിജീവനത്തിൻറ ആൾരൂപം പോലൊരുവൾ  ബിഗ് ബോസ് റിയാലിറ്റി ഷോയിലൂ ടെ മലയാളികൾക്ക് പരിചിതയാണ് ഡിംപൽ ഭാൽ.അതിജീവനത്തിൻറ ആൾരൂപം പോലൊരുവ

- രേഖ നമ്പ്യാർ

ഡിംപൽ ഭാൽ എന്ന  പെൺകുട്ടി മലയാളിയുടെ മനസ്സിനകത്തെത്തിയത് കരച്ചിലും കണ്ണീരുമൊക്കെ ഒളിപ്പിച്ച് പുഞ്ചിരിയും ആത്മവിശ്വാസവും തുളുമ്പുന്ന മുഖവുമായിട്ടാണ്. ബിഗ് ബോസ് ഷോയിലൂടെ കേരളമറിഞ്ഞ ഡിംപലിന്റെ കഥ കേട്ട് കണ്ണീരൊഴുക്കി പലരും. എങ്കിലും, തന്നെ അങ്ങനെ യൊരു ചതുരക്കൂട്ടിൽ ഒതുക്കിയിടാൻ ഒരുക്കമായിരുന്നില്ല ഡിംപൽ. “ദുഃഖങ്ങൾ ഒരുപാടുണ്ട്. എന്നുകരുതി നാലാളെ കാണിച്ച് കരയേണ്ടതില്ലല്ലോ. ചിരിച്ചുകൊണ്ട് എല്ലാം നേരിടുക... ഡിംപലിന്റെ നിലപാടുകളിൽ ഇപ്പോഴുമില്ല ഒരു തരിപോലും മാറ്റം.

അവസാനനിമിഷം ബിഗ് ബോസിൽനിന്ന് പുറത്തായി. എന്താണ് ആ ഷോയിൽനിന്ന് പഠിച്ചത്?

ക്യാമറയ്ക്ക് മുന്നിലും പിന്നിലും അഭിനയിക്കാൻ ആളുകൾക്കറിയാമെന്ന് മനസ്സിലാക്കി. ആത്മാർഥതയുള്ള ഒരു സുഹൃത്തിനെയും എനിക്കവിടുന്ന് കിട്ടിയില്ല. നാട്ടുകാർക്ക് ഇഷ്ടമുള്ളത് മാത്രം സംസാരിച്ചും അവരെ പ്രീതിപ്പെടുത്തുന്ന കാര്യങ്ങൾ ചെയ്തും മുന്നോട്ടു പോയവരുണ്ടായിരുന്നു. അവിടെ ഏറ്റവും കൂടുതൽ വഴക്കുണ്ടാക്കിയ കപ്പിളാണ് ഫിറോസും ഭാര്യയും. എന്നാൽ, ഏറ്റവും ശാന്തരും ഇപ്പോഴും എല്ലാവരുമായും ബന്ധം പുലർത്തുന്നതും അവരാണ്.

ബാല്യം തൊട്ടേ ദേശാടനമായിരുന്നു ജീവിതത്തിൽ എന്ന് കേട്ടിട്ടുണ്ട്.