വക്കീലിന്റെ കേസ്ഡയറി

പ്രവാസലോകത്ത് നിസ്സഹായതയുടെ തുരുത്തിൽ അകപ്പെട്ടവർക്ക് സഹായവുമായി ഒരു വക്കീൽ

- jyothilal

2005 സെപ്റ്റംബർ ഒന്ന്. ചങ്ങമ്പുഴ അലശക്കോട് വീട്ടിൽ ജോർജിനും ഭാര്യ ഫാൻസിക്കും ആ ദിവസം മറക്കാനാവില്ല. ദുബായിൽ നിന്ന് മകൾ സ്മിത അവരെ അവസാനമായി വിളിച്ച ദിവസമായിരുന്നു അത്. ദുബായിൽ എത്തിയെന്നും വീണ്ടും വിളിക്കാമെന്നും പറഞ്ഞാണ് ഫോൺ വെച്ചത്. ആ കോൾ വന്നതിന്റെ പിറ്റേന്ന് സ്മിതയെ കാണാനില്ലെന്ന് അവരുടെ ഭർത്താവ് സാബു ദുബായ് പോലീസിൽ പരാതി നൽകി. സ്മിത എഴുതിയതാണെന്ന് പറഞ്ഞ് ഒരു കത്തും അയാൾ ഹാജരാക്കി. ഞാൻ ഒരു ഡോക്ടറുമായി പ്രണയത്തിലാണ്. അയാളോടൊത്ത് ജീവിക്കാൻ വേണ്ടിയാണ് ദുബായിലേക്ക് വന്നത്...' ഇതായിരുന്നു കത്തിന്റെ ഉള്ളടക്കം.

ദുരൂഹമായിരുന്നു സ്മിതയുടെ തിരോധാനം. അപ്പോൾ പലതും പ്രചരിച്ചു. അതൊന്നുമറിയാതെ ദുബായിലെ മോർച്ചറിയിൽ സ്മിതയുടെ ശരീരം മരവിച്ചുകിടന്നു. നീണ്ട പത്തുവർഷക്കാലം. മൃതശരീരം സ്മിതയുടെതാണെന്ന് തിരിച്ചറിയാൻ നിമിത്തമായത് ഒരു അഭിഭാഷകന്റെ ഇടപെടലായിരുന്നു. കരുനാഗപ്പള്ളി സ്വദേശിയായ ഷംസുദ്ദീൻ വക്കീൽ. ദുരിതക്കുരുക്കുകളിൽ അകപ്പെട്ടുപോവുന്ന ഗൾഫ് മലയാളികൾക്ക് ആശ്വാസം പകരുന്ന വക്കീൽ പ്രവാസികൾക്ക് പരിചിതനാണ്. പ്രവാസ ജീവിതത്തിനിടെ തന്നെ തേടിയെത്തിയ നൂറുകണക്കിന് കേസുകളിൽ ഒന്നുമാത്രമായിരുന്നു സ്മിതയുടെതെന്ന് പറയുന്നു അദ്ദേഹം. വക്കീലിന്റെ കേസ്ഡയറിയിലേക്ക്...

ചുരുളഴിഞ്ഞ രഹസ്യം