ગઈ ભેંસ પાણીમાં

સામાન્ય લોકોએ પોતાની લોહી પરસેવાની કમાણી ૨૬ બેંકો અથવા મ્યૂચ્યુઅલ ફંડમાં લગાવી છે અને કોઈ તેમાંથી પોતાનું ઘડપણ પસાર કરવા ઈચ્છે છે, કોઈ દીકરીનાં લગ્નનાં સપનાં જોઈ રહ્યું છે, કોઈ બાળકોનો અભ્યાસનો ખર્ચ ભેગું કરી રહ્યું છે તો કોઈને અચાનક આવનારી બીમારીનો ડર છે. અદાણી ગ્રૂપના શેરનાં ભાવ જ્યારે વધતા ગયા ત્યારે હજારોએ તેમાંથી પૈસા બનાવ્યા અને સમય રહેતાં શેર વેચીને મકાન, મહેલ બનાવી લીધા. હીરાનાં ઘરેણાં ખરીદ લીધાં. તેમને આજે ફરક નથી પડતો કે અદાણીનું શું થશે

અમેરિકાના હિંડનબર્ગ રિસર્ચના રિપોર્ટ પછી જે રીતે દુનિયાભરના ઈન્વેસ્ટરોએ અદાણી ગ્રૂપની કંપનીમાં રોકેલા પૈસા ખેંચી લીધા છે, તેનાથી સ્પષ્ટ થાય છે કે આ રિપોર્ટમાં દમ તો ઘણો છે, ભલે ને ગૌતમ અદાણી કેટલીય કોર્ટ કેસની ધમકી આપતા રહે. અદાણીના નવા ૨૦,૦૦૦ કરોડ રૂપિયાના શેર વેચવાની રજૂઆત પણ પહેલાં દિવસે ઊંધા મોંઢે પડી કારણ કે જ્યારે શેર ૩,૧૧૭થી ૩,૨૭૬ રૂપિયા પ્રતિ ૧૦૦ રૂપિયાના શેરના ભાવથી વેચવામાં આવી રહ્યા હતા, બજારમાં તે ૨,૭૬૨ રૂપિયાના હતા.

એક ઉદ્યોગનાં જીવનમરણથી દેશને કોઈ મોટો ફરક ન પડવો જોઈએ પણ સમસ્યા એ છે કે અદાણી સમૂહમાં સામાન્ય પ્રજાના પૈસા લાઈફ ઈન્સ્યોરન્સ કોર્પોરેશન, સ્ટેટ બેંક ઓફ ઈન્ડિયા વગેરેનાં પણ લાગેલા છે. મ્યુચ્યુઅલ ફંડોએ પણ ઘણા પૈસાનું રોકાણ કર્યું છે. પૈસા લોન પર આપનાર સામાન્ય રીતે શેરના બજાર ભાવથી ગિરવે મૂકીને પૈસા આપે છે અને અદાણી સમૂહમાં લગભગ ૧ લાખ કરોડ (1,00,00,00,00,000) લાગેલા છે.