ઊડતી નજર - ઘર-બહારની ઘટનાઓનું અવલોકન

અધૂરું જ્ઞાન આપે મોબાઈલ

સોશિયલ મીડિયાએ આજે સામાન્ય લોકોની ખાસ તો યુવતીઓ, મહિલાઓ, માતાઓ, પ્રૌઢ, વૃદ્ધોની વિચારસરણીને સંકુચિત કરી દીધી છે કારણ કે તેમને લાગે છે કે જે તેમના મોબાઈલની સ્ક્રિન પર દેખાય છે તે એક માત્ર અને અંતિમ સત્ય છે, તે જ દેવવાણી છે, તે જ ધર્માદેશ છે, તે જ થઈ રહ્યું છે. હવે તો ન કોઈ કહેનાર રહ્યું છે કે જે દેખાય છે તે તેણે મોકલ્યું છે જે તમારા જેવી વિચારસરણીના છે, તમારા વર્ગના છે, તમારા સમાજના છે કારણ કે સોશિયલ મીડિયા ભલે ને અબજોને સ્પર્શી રહ્યું હોય, એક વ્યક્તિ તેને જ ફોલો કરી શકે છે જેને તે ઓળખે છે કે જાણવા ઈચ્છે છે.

સોશિયલ મીડિયાની આ ખામી કે તેને કોઈ એડિટ નથી કરતું, કોઈ ચેક નથી કરતું. તેની પર કમેંટ્સમાં ગાળો સુધ્ધાં આપી શકાય છે. સોશિયલ મીડિયાને માહિતીનો એક માત્ર સોર્સ માનવો સૌથી મોટી ભૂલ છે. તે દિશાહીન પણ છે, ભ્રામક છે, ખોટું પણ છે. જાણકારી આપે છે પણ ટુકડામાં.

પરિણામ એ છે કે આજની યુવતીઓ, માતાઓ, મહિલાઓ શિક્ષિત અને કમાઉ હોવા છતાં પણ દેશ અને સમાજને બદલવા વિશે ન કંઈ જાણી શકે છે, ન કહી શકે છે કારણ કે તેમને દરેક વાતની અધૂરી જાણકારી છે. જે તેમની પાસેથી મળી છે જે અજાણ છે, તેમના પોતાના સાથી છે.

બધા પ્લેટફોર્મ પરથી તમે તેમની જ પોસ્ટ જુઓ છો જેને ફોલો કરી રહ્યા છો અને જો ક્યાંક મહિલાઓના અધિકારોની વાત થઈ રહી હોય તો તે દબાઈ જાય છે કારણ કે જે ફોરવર્ડ કોઈ નથી કરી રહ્યું. મહિલાઓની સમસ્યાઓ ઓછી નથી. આજે પણ છોકરી પેદા થતા જ ડરેલી ડરેલી રહે છે. તેને ગુડ ટચ અને બેડ ટચનો પાઠ ભણાવીને ડરાવી દેવામાં આવે છે. તેને મોબાઈલ પકડાવીને, ફિલ્મો, કાટૂર્નમાં ગૂંચવી દેવામાં આવે છે. તેને ઘરની બહારના વાયોલેંસના સીન એટલા દેખાય છે કે તે હંમેશાં ડરેલી રહે છે. હંમેશાં ઘરમાં મોરચા તો ખૂલેલા જ હોય છે પણ ઘરની બહારનું જીવન શું છે તે તેને ખબર નથી હોતી.