సైకిల్ తొక్కితే ఇన్ని లాభాలా?

రోజూ కాసేపు సైకిల్ తొక్కితే ఆరోగ్యానికి ఎన్ని లాభాలో తెలిస్తే ఆశ్చర్యపోతారు.

- · పూనమ్ పాండే 

రోజూ కాసేపు సైకిల్ తొక్కితే ఆరోగ్యానికి ఎన్ని లాభాలో తెలిస్తే ఆశ్చర్యపోతారు.

కొన్నేళ్ల క్రితం వరకు జనం సైకిల్ తొక్కటాన్ని చిన్నతనంగా భావించే వారు. కానీ ఇప్పుడు లగ్జరీ కార్లు ఉన్న వారు కూడా సైకిల్ తొక్కుతున్నారు. యువకులు ఫిట్నెస్ కోసం సైకిల్ తొక్కుతుంటే, యువతులు చలాకీ దేహాన్ని పొందాలని సైకిల్స్ వాడుతున్నారు.

సైకిల్ తొక్కటం వల్ల కలిగే లాభాలు తెలిస్తే మీరు కూడా ఆశ్చర్యపోతారు. కేవలం 30 నిమిషాల సైక్లింగ్ వల్ల ఇవిగో ఇన్ని ప్రయోజనాలున్నాయి.

• రోజుకి 2 కిలోమీటర్లు లేదా 30 నిమిషాల పాటు సైక్లింగ్ చేస్తే వృద్ధాప్యం దూరమవుతుంది. ఎందుకంటే రక్త ప్రసరణ పెరిగి రోజురోజుకీ మీలో ఎనర్జీ అధికమవుతుంది.

• అరగంట సైకిల్ తొక్కితే శరీరంలోని ఇమ్యూన్ సెల్స్ మరింత యాక్టివ్ అవుతాయి. రోగాల బారిన పడటం తగ్గుతుంది.

• సైక్లింగ్ వల్ల శరీరంలోని కండరాలు ఆరోగ్యంగా, దృఢంగా మారుతాయి. దీంతో ఆత్మ విశ్వాసం కూడా అధికమవుతుంది.

• అరగంటసేపు సైకిల్ నడిపితే చాలా క్యాలరీలు కరిగిపోతాయి. కనుక శరీరం నుంచి అదనపు కొవ్వు తగ్గుతుంది.

• రెగ్యులర్ గా సైక్లింగ్ చేస్తే వ్యాధి నిరోధక వ్యవస్థ దృఢంగా మారుతుందని 'యూనివర్సిటీ ఆఫ్ కరోలీనా'లో జరిపిన పరిశోధన ప్రకారం ఎవరైనా దూరంలో కనీసం 5 రోజులు అరగంటసేపు సైకిల్ నడిపితే రోగాల బారిన పడే ప్రమాదం 50% తగ్గుతుంది. రోగ నిరోధక శక్తిని పెంచటంలో సైక్లింగ్ చాలా ఉపయోగపడుతుంది.

• సైకిల్ తొక్కేటప్పుడు హృదయ స్పందన రేటు పెరుగుతుంది. దీంతో శరీరంలో రక్త ప్రసరణ బాగవుతుంది. దీనివల్ల గుండె రంధ్రాల వంటి సమస్యలు రాకుండా ఉంటాయి. ఇతర హృదయ రోగాల ప్రమాదాలు కూడా చాలావరకు తొలగిపోతాయి.