వానాకాలం స్కిన్ ఎలర్జీ రాకుండా జాగ్రత్తలు

మారుతున్న సీజన్లో చర్మ వ్యాధుల నుంచి కాపాడుకోవాలంటే ఈ చిట్కాలు తప్పక పాటించండి.

- - గరిమా పంకజ్ •

మారుతున్న సీజన్లో చర్మ వ్యాధుల నుంచి కాపాడుకోవాలంటే ఈ చిట్కాలు తప్పక పాటించండి.

24 ఏళ్ల అంజలి వర్మ చాలా బిందాస్ ఉండే వ్యక్తి. ఆమెకు బయట తిరగటం, షాపింగ్, అందంగా కనపడటం చాలా ఇష్టం. వేసవి సీజన్లో కూడా వెరైటీ డ్రెస్సులు కొనేది. నిండుగా మేకప్ చేసుకొని వెళ్లేది. అయితే కొన్ని రోజులు ఆమెకు వడదెబ్బ సమస్య ఎదురైంది.

గత ఆదివారం ఆమె తన స్నేహితురాలి బర్త్ డే పార్టీకి వెళ్లింది. అందరూ ఆమెను చూసి అవాక్కయ్యారు. స్టయిలిష్ వనపీస్ డ్రెస్సు, జార విడిచిన కేశాలతో చాలా అందంగా కనపడుతోంది.కానీ సాయంత్రం కాగానే వీపు, మెడ కింది భాగాల్లో దురద మొదలైంది. ఇది పెరుగుతూ పోయింది. ఎర్రటి దద్దుర్లు ఏర్పడ్డాయి. అప్పుడు ఆమె స్నేహితురాలు ఎలర్జీ మందులు ఇచ్చి, స్నానం చేయమని చెప్పింది. స్నానం తర్వాత ఆమెకు తన కాటన్ దుస్తులు ఇచ్చి తొడుక్కోమంది. దురద కలిగిన భాగాల్లో అలోవెరా జెల్ కూడా రాసుకోడానికి ఇచ్చింది. నిదానంగా ఆమె సమస్య తగ్గిపోయింది. వర్షాల్లో కూడా తడి వల్ల ఇలాగే చర్మ సమస్యలు ఏర్పడుతాయి.

నిజానికి వర్షాల రోజుల్లో చర్మ సంబంధ రోగాలు, మొదలైనవి పెరుగుతుంటాయి.నిర్లక్ష్యంగా ఉంటే సీరియస్గా మారగలవు.చర్మంపై దద్దుర్లు, వాటిలో దురద వంటి ఇన్ఫెక్షన్లు కలుగుతాయి. ఈ పరిస్థితిలో శరీరంపై చెమట ప్రదేశాల్లో, తడి తగిలిన భాగాల్లో దద్దుర్లు ఏర్పడి దురద కలిగిస్తుంటాయి. కనుక తడిసినప్పుడు వెంటనే ఆరబెట్టుకోవాలి.

ఇది ఎక్కువ టైట్ డ్రెస్సుల వల్ల కూడా జరుగుతుంది. దీన్నుంచి కాపాడుకోటానికి వీలైనంతగా తడికి దూరంగా ఉండండి. బయటికి వెళ్తే గొడుగు, రెయిన్ కోట్, వాటర్ ప్రూఫ్ కోట్ వంటివి వెంట పెట్టుకోండి. ఏకాస్త తడి తగిలినా డ్రెస్సుల్ని వెంటనే విప్పి శరీరాన్ని తుడిచి వెచ్చదనం కల్పించుకోవాలి.

చర్మ రుగ్మతలు ఇలా అధిక వేడి, అధిక తడి వల్లే గాక సెన్సిటివిటీ కారణంగానూ ఏర్పడుతాయి. మొటిమలు, ఎర్రటి కురుపులు స్కిన్ ఎలర్జీ వల్ల అధికమవుతాయి. చర్మ రుగ్మతలు, ఎలర్జీకి ఇతర కారణాలు కూడా ఉంటాయి.

• కొందరికి కొన్ని ఆహార పదార్థాల వల్ల ఎలర్జీ కలుగుతుంది. అవి తిన్న వెంటనే దురద, దద్దుర్లు ఏర్పడుతుంటాయి.

• మందుల సైడ్ ఎఫెక్ట్ కారణంగా కొందరికి చర్మంపై దురద, ఎలర్జీ కలుగుతుంది.