ఛలోక్తులు

ఛలోక్తులు

కోర్టులో భార్యాభర్తల మధ్య విడాకుల కేసు నడుస్తోంది.

జడ్జి (భార్యతో) : సరే, మీరు విడాకులు కోరటానికి భూమిక ఏమిటి?

మహిళ : ఆ భూమే సార్, నగరం మధ్యలో ఒక బంగ్లా, . దానికి పక్కనే ఖాళీగా ఉంది కదా అదే.దాన్ని నా పేరిట రాయమంటే భర్త వినటమే లేదు.

జడ్జి: కాదు... కాదు... నేను అడిగింది విడాకులకు బ్యాక్ గ్రౌండ్ ఏమిటి అని?

మహిళ : అవును... అవును... పెద్ద గ్రౌండ్ ఉంది అక్కడ. సరిగ్గా బంగ్లాను ఆనుకునే ఉంటుంది.

జడ్జి : చూడమ్మా, మీకు నా మాట అర్థం కావట్లేదు. నేను అడుగుతున్నది విడాకులకు ఆధారం ఏమిటి అని? ఎంత అడిగితే అంతే జవాబు చెప్పు?

మహిళ : అర్థమైంది... ఆధార్ కార్డు తీసుకున్నాను. కానీ అందులో ఫోటో సరిగ్గా రాలేదు.

జడ్జి : అసలు మీరు విడాకులు ఎందుకు కోరుతున్నారు? ఇది చెప్పండి? మహిళ : జడ్జి సార్, విడాకులు నేను కాదు, నా భర్త కోరుతున్నాడు.

జడ్జి (భర్తతో) : సరే మీరు చెప్పండి భార్య నుంచి విడాకులు ఎందుకు కావాలంటున్నారు?

భర్త : జడ్జి సార్, ఇలాగే తల తింటున్నందుకు.అరగంట సేపటి నుంచి మీ తల తిన్నది కదా, ఇదే నా సమస్య.

జడ్జి కళ్లలో నీళ్లు నిండాయి.